அமெரிக்காவின் வெள்ளை மாளிகையில் ஜனாதிபதி டிரம்ப் செய்தியாளர்கள் சந்தித்து உரையாடினர். அப்போது அவரிடம், ‘ஈரானின் அணுசக்தி நிலையங்களை தாக்கும் முடிவை அமெரிக்கா நெருங்கி வருகிறதா?’ என கேள்வி எழுப்பப்பட்டது. அதற்கு பதிலளித்த டிரம்ப், “நான் அதைச் செய்யலாம்; செய்யாமலும் இருக்கலாம். அதாவது, நான் என்ன செய்ய போகிறேன் என்று யாருக்கும் தெரியாது. ஈரான் மீது தாக்குதல் நடத்துவது குறித்து இன்னும் முடிவு செய்யவில்லை” என கூறியுள்ளார்.
