வீட்டில் சமைக்கும் குழம்புகளின் சுவையை மேம்படுத்துவதில் மசாலா பொடிகள் முக்கிய பங்கு வகுக்கின்றன கடைகளில் கிடைக்கும் ரெடிமேட் பொடிகளை பயன்படுத்துவதை விட வீட்டிலேயே தயாரிக்கும் மசாலா பொடிகள் தனி சுவையும் நறுமணமும் கொண்டவை குறிப்பாக குழம்பு மிளகாய்த்தூள் என்பது தென்னிந்திய சமையலில் தவிர்க்க முடியாத ஒன்று. அனைத்து வகையான குழம்புகளுக்கும் பயன்படுத்தக்கூடிய சுவையான மற்றும் நறுமணமான குழம்பு மிளகாய்த்தூளை எப்படி வீட்டில் தயாரிப்பது என்பதை இப்போது பார்ப்போம்..
தேவையான பொருட்கள் ; குழம்பு மிளகாய் தூள் தயாரிக்க..
* முழு மல்லி இரண்டு கிலோ
* சோம்பு 400 கிராம்
* சீரகம் 400 கிராம்
* மிளகு 200 கிராம்
* விரலி மஞ்சள் 200 கிராம்
* காய்ந்த மிளகாய் ஒரு கிலோ காஷ்மீர் மிளகாய் ஒரு கிலோ.
செய்முறை ;
* முதலில் மல்லி சோம்பு சீரகம், மிளகு மற்றும் விரலி மஞ்சள் ஆகியவற்றை நன்கு சுத்தம் செய்து தூசி மற்றும் அழுக்குகளை நீக்கவும் மிளகாய் சுத்தம் செய்து காம்புகளை நீக்கிவிட வேண்டும்..
* சுத்தம் செய்த அனைத்து பொருட்களையும் தனித்தனியாக தட்டுகளில் பரப்பி வெயிலில் நன்கு காய வைக்கவும் பொருட்கள் மொறுமொறுப்பாக மாறும் வரை காய வைக்க வேண்டும். குறிப்பாக மிளகாய் நன்கு காய்ந்தால்தான் பொடி அரைக்கும் போது நன்றாக இருக்கும். விரலி மஞ்சள் சிறிய துண்டுகளாக உடைத்து காய வைக்கவும்.
* காய்ந்த பொருட்களை இரண்டு பகுதிகளாக அரைக்க வேண்டும். முதலில் மல்லி, சோம்பு, சீரகம், மிளகு மற்றும் மஞ்சள் ஆகியவற்றை ஒன்றாக சேர்த்து மெஷினில் கொடுத்து அரைத்து நைசான பொடியாக எடுத்துக் கொள்ளவும் இது குழம்புத்தூள் ஆகும்..
* இரண்டாவதாக காய்ந்த மிளகாய் மற்றும் காஷ்மீர் மிளகாய் இரண்டையும் ஒன்றாக சேர்த்து மெஷினில் கொடுத்து அரைத்து மிளகாய் தூளாக எடுத்துக் கொள்ளவும் காஷ்மீர் மிளகாய் சேர்ப்பதால் குழம்புக்கு நல்ல நிறம் கிடைக்கும் மேலும் காரமும் கூடும்.
* இப்போது குழம்பு தூள் மற்றும் மிளகாய் தூள் இரண்டும் தயாராக உள்ளன இவற்றை ஒன்றாக கலக்க தேவையில்லை. குழம்பு செய்யும்போது தேவைக்கேற்ப குழம்பு தூளையும் மிளகாய் தூளையும் சேர்த்துக் கொள்ளலாம் பொதுவாக மூன்று ஸ்பூன் குழம்பு தூள்களுக்கு ஒரு ஸ்பூன் மிளகாய் தூள் என்ற விதத்தில் சேர்க்கலாம்.
* அரைத்த குடிகளை நன்கு ஆற வைத்து காற்று புகாத டப்பாக்களில் போட்டு சேமித்து வைக்கவும். இவ்வாறு சேமித்து வைத்தால் பொடிகள் நீண்ட நாட்களுக்கு பிரஷ்ஷாக இருக்கும் இந்த முறையில் குழம்பு மிளகாய் தூள் தயாரித்து உங்கள் குழம்புகளின் சுவையை மேலும் அதிகரித்துக் கொள்ளும்..!!
