பர்ஃபியூம்கள் எனப்படும் வாசனை திரவியங்கள் என்பது இனி பயணங்கள் அல்லது விருந்துகளுக்கு செல்லும்போது மட்டும் பயன்படுத்தக் கூடிய ஒன்றாக இருக்கப் போவதில்லை. sleepmaxxing எனப்படும் ஒரு புதிய போக்கு சமூகத்தில் அதிகரித்து வருகிறது.
அதாவது தனிநபர்கள் தங்கள் இரவு படுக்கையில், நிதானத்தை ஏற்படுத்தவும் தூக்கத்தின் தரத்தை மேம்படுத்தவும் அமைதியான வாசனை திரவியங்களைப் பயன்படுத்துகின்றனர்.
இந்த வளர்ந்து வரும் நிகழ்வு சமூக ஊடக பயனர்கள் மற்றும் மருத்துவ வல்லுநர்களால் ஆதரிக்கப்படுகிறது.
அவர்கள் இனிமையான வாசனையைத் தாண்டி வாசனை திரவியங்களின் செயல்பாட்டு நன்மைகளை எடுத்துக்காட்டுகின்றனர்.
லாவெண்டர், சந்தனம், கெமோமில், வெட்டிவேர் போன்ற வாசனை திரவியங்கள் மற்றும் ருஹ் குஸ் மற்றும் மல்லிகை சாம்பாக் போன்ற இந்திய தாவரங்கள் இப்போது அவற்றின் அமைதியான பண்புகளுக்காக பரவலாக ஏற்றுக்கொள்ளப்படுகின்றன.
ஆராய்ச்சி முடிவுகள் சொல்வது என்ன?
வாசனை திரவிய பிராண்ட் எடெனிஸ்ட்டின் ஆராய்ச்சி, சில வாசனை திரவியங்கள் மன அழுத்தத்தைக் கணிசமாகக் குறைக்கும் என்பதைக் காட்டுகிறது.
வாசனை திரவியங்கள் மனநிலையையிலும் தூக்கத்திலும் நன்மை பயக்கும் வகையிலான தாக்கத்தை ஏற்படுத்தும் என்ற கருத்தை இது வலுப்படுத்துகிறது.
லேசான வாசனை திரவியங்கள் சரியான முறையில் பயன்படுத்தப்பட்டால் நன்மை பயக்கும் என்று கூறி, சுகாதார வல்லுநர்கள் இந்தப் போக்கை ஆதரிக்கின்றனர்.
அதேநேரம் ஒவ்வாமை சிக்கல் உள்ளவர்கள் தேவையான முன்னெச்சரிக்கையுடன் இதை குறைந்த அளவில் பயன்படுத்துமாறு அறிவுறுத்துகின்றனர்.
முன்னணி அழகுசாதன பிராண்டுகளும் இந்த மாற்றத்தை அங்கீகரிக்கின்றன.
தூக்கத்தை ஊக்குவிக்கும் வாசனை திரவியங்கள் வடிவமைப்பு
எஸ்டீ லாடர் சமீபத்தில் ஒரு உலகளாவிய தூக்க அறிவியல் ஆலோசகரை நியமித்தது. மேலும் பல வாசனை திரவிய நிறுவனங்கள் நரம்பியல் விஞ்ஞானிகளுடன் இணைந்து உணர்ச்சி நல்வாழ்வை ஊக்குவிக்கும் வாசனை திரவியங்களை வடிவமைக்கின்றன.
தூக்கமின்மை மற்றும் அதன் உடல்நல விளைவுகள் குறித்த பரந்த விழிப்புணர்வை இந்தப் போக்கு பிரதிபலிக்கிறது.
மக்கள் ஓய்வெடுக்க அதிக கவனமுள்ள வழிகளைத் தேடும்போது, இரவு நேரங்களில் இனிமையான வாசனைகளைச் சேர்ப்பது சிறந்த தூக்கத்திற்கான தனிப்பட்ட மற்றும் உணர்வுபூர்வமான அணுகுமுறையை வழங்குகிறது.
இது ஆடம்பர பொருளாக பார்க்கப்படும் வாசனை திரவியத்தை ஒரு நல்வாழ்வு அத்தியாவசிய பொருளாக மாற்றுகிறது.
