உடல் வெப்பம் தணிக்கும் வெந்தயக் கீரையின் மருத்துவ பயன்கள்:
வயிறு உப்புசம், மந்தம்,வாயு தொல்லை ,இருமல், சுவையின்மை பிரச்சனைகளை சரி செய்யும். வெந்தயக் கீரையை சமைத்து சாப்பிட்டு வந்தால் மலம் இளகும். வெயில் காலத்தில் பலருக்கும் உடல் சூடு ஏற்படும் இதை தணித்து குளிர்ச்சி அடைய செய்யும் உடலில் ஏற்படும் உள் வீக்கம் வெளி வீக்கத்தை போக்கும்.
வெந்தயக் கீரையை அரைத்து தீ புண்கள் மீது வைத்துக் கட்ட காயம் விரைவில் ஆறும். இதன் இலையை எடுத்து சீமை புலி அத்திப்பழம் திராட்சையை சேர்த்து குடிநீர் செய்து தேன் கலந்து சாப்பிட்டு வந்தால் நெஞ்சு வலி மூச்சு அடைப்பு குணமாகும். வெந்தயக் கீரையை நன்கு வேகவைத்து சிறிது வெண்ணெய் சேர்த்து கலக்கி உட்கொள்ள பித்தம் அதிகமாகவதால் ஏற்படும் மயக்கம் குணமாகும் .
இந்த கீரையுடன் பாதாம் பருப்பு, கசகசா, கோதுமை ,பசு பால் சர்க்கரை சேர்த்து கலிபோல கிண்டி சாப்பிட்டு வந்தால் உடல் வலுவடையும். இடுப்பு வலி நீங்கும். வெந்தயக் கீரையை ஊறவைத்து அந்த தண்ணீரை எடுத்து வாய் கொப்பளித்து வந்தால் வாய் புண் ஆறும் . வெந்தயக்கீரை வைட்டமின்கள் கால்சியம் இரும்புச்சத்து நிறைந்தது சர்க்கரை நோயாளிகள் இந்த கீரையை அடிக்கடி சமைத்து சாப்பிடுவது நல்ல பலனை தரும்.
