திமுக அரசு தனது தேர்தல் வாக்குறுதிகளில் 10% கூட நிறைவேற்றாமல் மக்களை ஏமாற்றி வருவதாக பாஜக முன்னாள் மாநில தலைவர் அண்ணாமலை குற்றம் சாட்டியுள்ளார். பிரதமர் மோடியை விமர்சித்து தமிழக முதல்வர் மு.க.ஸ்டாலின் முன்வைத்த விமர்சனங்களுக்கு அவர் தனது X தளத்தில் பதிலடி கொடுத்துள்ளார். அதில் தொகுதிகள் மறுசீரமைப்பு, மெட்ரோ ரயில் திட்டம், மதுரை எய்ம்ஸ் மருத்துவமனை திட்டம் மற்றும் கீழடி ஆய்வு போன்ற பல்வேறு விவகாரங்களில் முதல்வர் தவறான தகவல்களை பரப்பி வருவதாக கண்டனம் தெரிவித்துள்ளார்.
