மதுரை மீனாட்சி அம்மன் கோவில் புளியோதரை எப்படி செய்வது?..

மதுரை மீனாட்சி அம்மன் கோவில் புளியோதரை எப்படி செய்வது….

 

தேவையான பொருட்கள் ::::

 

உதிராக வடித்து ஆற வைத்த சாதம் – 2 கப்

நல்லெண்ணெய் – 1 1/2 டேபிள் ஸ்பூன்

புளி – 100 கிராம்

மஞ்சள் தூள் – 1/2 டீஸ்பூன்

உப்பு, எண்ணெய் – 2 ஸ்பூன்

 

தாளிக்க :

 

காய்ந்த மிளகாய் – 6

உளுத்தம் பருப்பு – 1 டீஸ்பூன்

கடலைப்பருப்பு – 1 டேபிள் ஸ்பூன்

கடுகு – 1 டீஸ்பூன்

கறிவேப்பில்லை – சிறிது

பெருங்காயத்தூள் – 1/2 டீஸ்பூன்

வறுத்த வேர்க்கடலை – 2 டேபிள் ஸ்பூன்

 

வறுத்து பொடிக்க:

 

தனியா – 1 டேபிள் ஸ்பூன்

கடலைப்பருப்பு – 1/2 டேபிள் ஸ்பூன்

மிளகு – 1/2 டீஸ்பூன்

வெந்தயம் – 1/2 டீஸ்பூன்

சீரகம் – 1 டீஸ்பூன்

காய்ந்த மிளகாய் – 5

 

செய்முறை ::::

 

ஆற வைத்த சாதத்தை நல்லெண்ணெய் ஊற்றி கிளறி விடவும். புளியை கெட்டியாக 1 கப் அளவுக்கு கரைத்து அதில் மஞ்சள் தூள், உப்பு சேர்க்கவும்.

 

கடாயில் எண்ணெய் விட்டு தாளிக்க கொடுத்துள்ள பொருட்களை போட்டு தாளித்து புளியை ஊற்றி கொதிக்க விடவும்.

 

பொடிக்க கொடுத்துள்ள பொருட்களை வெறும் கடாயில் போட்டு வாசனை வரும் வரை வறுத்து ஆறவைத்து பொடித்து கொள்ளவும்.

 

புளி பச்சை வாசனை போய் திக்கான பதம் வந்து எண்ணெய் ஓரங்களில் பிரிய ஆரம்பித்ததும் பொடித்த பொடியில் 3/4 டேபிள்ஸ்பூன் தூவி 10 நிமிடம் கழித்து இறக்கவும்…

 

புளிக்காய்ச்சல் ஆறியதும் சாதத்தில் ஊற்றி நன்கு கிளறி விடவும். 1 மணி நேரம் கழித்து சாப்பிட்டால் சுவையோ சுவை.

 

குறிப்பு ::::

 

மீதமிருக்கும் பொடியை வறுவல் ,வத்தக் குழம்புக்கு பயன்படுத்தலாம்..