முலாம்பழ ஐஸ்கிரீம் செய்வது எப்படி என்று பார்க்கலாம்..!!

தேவையான பொருட்கள் :

* முலாம்பழம்2

* பால்2 லிட்டர்

* சர்க்கரை2 கப்

* கஸ்டர்ட் பவுடர்2

* வெனிலா எசன்ஸ்4 துளிகள்

செய்முறை :

முலாம்பழ ஐஸ்கிரீம் செய்வதற்கு முதலில் கஸ்டர்ட் பவுடரையும், சர்க்கரையையும் 2 கப் பச்சைப் பாலில் நன்றாக கரைத்து கொள்ளவும். மீதமுள்ள பாலை நன்றாகக் காய்ச்சி, அதில் சர்க்கரைக் கலவையைச் சேர்த்து, மேலும் கொதிக்க வைக்கவும்.

பின் கீழே இறக்கி நன்றாக ஆறிய பின்னர் ட்ரேயில் ஊற்றி குளிர்சாதனப் பெட்டியில் வைக்கவும். பிறகு முலாம்பழத்தைக் கழுவி தோலை சீவி விட்டு, விதைப்பகுதியை நீக்கி விட்டு, சிறு சிறு துண்டுகளாக்கி கொள்ளவும்.

ஒரு மணி நேரம் கழித்து, குளிர வைத்த பாலுடன் பழத்துண்டுகளைச் சேர்த்து மூன்று நான்கு நிமிடங்கள் மிக்சியில் அடிக்கவும். பிறகு அதனுடன் ஐந்து துளிகள் வெனிலா எசன்ஸை விட்டு நன்றாகக் கலக்கி விடவும்.

மீண்டும் ட்ரேயில் கொட்டி ஐஸ்கிரீம் தயாரானதும், துண்டுகளாகப் போட்டு, மேலே முந்திரி, பாதாம் பருப்பு கொண்டு அலங்கரிக்கவும்.