உளுந்த வடை என்றால் யாருக்குத்தான் பிடிக்காது . உளுந்த வடை சூடாக சாப்பிடும் போது இருக்கும் ருசியும் சுவையும் தனிதான். கடைகளில் சாப்பிடுவதை விட வீட்டிலேயே சுலபமான முறையில் டேஸ்டாக உளுந்த வடை எப்படி செய்ய வேண்டும் என்பதை பற்றி இந்த பதிவில் பார்க்கலாம்.
தேவையான பொருட்கள்
உளுந்து – 1/4 கிலோ
அரிசி மாவு – 2 ஸ்பூன்
பெரிய வெங்காயம் – 2 நறுக்கியது
மிளகு – 1 ஸ்பூன்
சீரகம் – 1 ஸ்பூன்
கறிவேப்பிலை – சிறிதளவு
கொத்தமல்லி தழை – சிறிதளவு (பொடியாக நறுக்கியது)
எண்ணெய் – 1/2 லிட்டர்
உப்பு -தேவையான அளவு
செய்முறை
அரை மணி நேரம் உளுந்தை தண்ணீரில் ஊற வைத்து, பின்னர் தண்ணீர் சேர்க்காமல் மிகவும் நைஸாக ஆட்டிக் கொள்ளவும். இதனுடன் நறுக்கிய வெங்காயம், கறிவேப்பிலை, கொத்தமல்லி, மிளகு, சீரகம், அரிசி மாவு, உப்பு ஆகியவற்றை சேர்த்து நன்கு பிசைந்து கொள்ளவும்.ஒரு வாழை இலை அல்லது மொத்தமான பிளாஸ்டிக் கவரில் வடை மாவை தட்டி, வாணலியில் காய வைத்த எண்ணெயில் இட்டு பொரிக்கவும்.இரு புறமும் திருப்பிப் போட்டு வடை நன்கு சிவந்தவுடன் எடுத்து வடிதட்டில் இட்டு எண்ணெய் வடிந்ததும் எடுத்து சூடாக பரிமாறவும்.
