திருமணமான #பெண்களுக்கு தன் கணவனால் ஏற்படும் அவலங்கள்..
• திருமணமான சிலகாலங்கள் வரை செல்லம், குட்டி, அழகி என்றெல்லாம் கொஞ்சி விட்டு சில வருடங்கள் ஆன பிறகு அப்படிப் பேசாமல் இருப்பதும்.
• கோபம் கொள்கிறேன் என்ற பெயரில் கெட்டவார்த்தைகளால் பேசுதல்.
• ஒருநாள் சாப்பாட்டில் உப்போ உறைப்போ கூடிவிட்டால் தினமும் அப்படித் தான் செய்து கொடுப்பது போல் எரிந்து விழுதல்.
• காதல் திருமணம் என்றால் காதலிக்கும் போதோ/ திருமணமாகி சிலகாலங்கள் வரையோ மனைவியின் பிறந்தநாள் என்றால் ஒருமாதத்திற்கு முன்னரே பெரிய திட்டம் எல்லாம் போட்டு மனைவி போதும் போதும் என்று சொல்லுமளவிற்கு வாழ்த்துக்களாலும் பரிசுப்பொருட்களாலும் சந்தோசப்படுத்தி விட்டு, ஒரு 4/5 வருடங்களில் மனைவியின் பிறந்தநாளையே மறந்து போய் சின்னனா ஒரு வாழ்த்து கூட சொல்லலாம் இருப்பது..
• மனைவி எதையாவது பார்த்துப் பயந்தாலோ/ அழுதாலோ கண்டுகொள்ளாது விடுவது அல்லது “ஏன் இப்பிடி நடிக்கிறாய்” என்று அலட்சியப்படுத்துவது.
• “ஏன் உன்னைக் கட்டினேன் என்று இருக்கு ” என்று அடிக்கடி பேசுதல். காதல் திருமணமாக இருந்தால் “உன்னைக் கட்டினதுக்கு அம்மா அப்பா பாத்து வைச்ச பொண்ணக் கட்டி இருந்திருந்தா நிம்மதியா இருந்திருப்பன் ” என்ற வசனங்களைப் பயன்படுத்தல்.
• தன் மனைவிக்கென்று தனித்தன்மை இருப்பதை உணராமல் தன் அம்மாவுடனோ/ அக்கா, தங்கச்சியுடனோ ஒப்பீடு செய்து பேசுவது. பிற உறவுகளிடம் மனைவியின் குறைகளைக் கூறுதல்.
• மனைவி இருக்கும் போதோ/ இல்லாத நேரத்திலோ தம் உறவுப் பெண்களுடன் அளவுக்கு மீறி அவசியமில்லாமல் பேசுதல், விளையாடுதல், உடல் அங்கங்கள் படும்படி அருகருகே இருத்தல்.
• மனைவிக்குத் தெரியாமல் வெளியூருக்குச் செல்லுதல்/ வெளியூருக்குச் சென்ற பின்னர் தகவல் தருதல்.
• திருமணமான புதிதில் மனைவியின் அணைப்பின்றி நித்திரை கொள்ளத் தயங்கிவிட்டு, சிலபல வருடங்கள் கடந்ததும் இரவுநேரத்தில் ஆசையாக மனைவி கட்டியணைத்தபடி நித்திரைகொள்ள முற்படும் போது சினந்து கொள்ளவோ அல்லது கைகளை உதறிவிட்டுவிட்டு “கொஞ்சம் தள்ளிப்படுக்கிறியா வெக்கையாக் இருக்கு என்று சொல்லுவது..
• மனைவிக்கு உடல் நலன் நன்றாக இல்லாததை அறிந்தும் அறியாதது போல அவளிடம் வேலை வாங்குதல்.
• குழந்தைகளுக்கு முன்னால் மனைவியை மரியாதை குறைவாகப் பேசுதல்.
இந்த மாதிரி தவறுகளை கணவர்கள் செய்யாதீர்கள் பெண்களும் பாவம் தானே….
