ஆஸ்திரேலியாவில் கர்ப்பிணி பெண் ஒருவர் ஒரே பிரசவத்தில் நான்கு பெண் குழந்தைகளை பெற்றெடுத்த சம்பவம் கவனம் பெற்றுள்ளது.
பிறந்த நான்கு குழந்தைகளும் ஆரோக்கியமாக இருப்பதாகவும், ஒரே இரவில் தங்களது குடும்ப உறுப்பினர்களின் எண்ணிக்கை அதிகரித்துவிட்டதாகவும் பெற்றோர் மகிழ்ச்சி தெரிவித்துள்ளனர்.
ஏற்கனவே மூன்று குழந்தைகள் உள்ள நிலையில், தற்போது இந்த குடும்பத்தின் உறுப்பினர் எண்ணிக்கை 8 ஆக உயர்ந்துள்ளது. இதனால் குழந்தைகளின் பராமரிப்பு மற்றும் அன்றாட தேவைகளை சமாளிப்பதில் நடைமுறை சவால்கள் ஏற்பட்டுள்ளதாக பெற்றோர் தெரிவித்துள்ளனர்.
குறிப்பாக, அனைத்து குழந்தைகளையும் பாதுகாப்பாக அழைத்துச் செல்ல ஏற்ற வகையில் 10 இருக்கைகள் கொண்ட வாகனம் தேவைப்படுவதால், அதற்கான நிதியை திரட்டும் நோக்கில் இணையவழி நிதி திரட்டும் பிரசாரத்தை தொடங்கியுள்ளனர்.
நான்கு பெண் குழந்தைகளின் பிறப்பு தங்களுக்கு மிகப்பெரிய வரப்பிரசாதம் என்றாலும், அவர்களின் தேவைகளை பூர்த்தி செய்வதற்கான செலவுகளும் அதிகரித்துள்ளதாக பெற்றோர் கூறியுள்ளனர்.
பச்சிளம் குழந்தைகளை பராமரிப்பதில் நண்பர்கள் மற்றும் ஆதரவாளர்கள் உதவி செய்து வருவதாகவும் தெரிவிக்கப்பட்டுள்ளது. இதனிடையே, சமூக வலைதளங்களில் பலரும் இந்த குடும்பத்திற்கு ஆதரவும் வாழ்த்துகளும் தெரிவித்து வருகின்றனர்.
