காதல் முறிவு ஏற்படும் போது, பெண்களை விட ஆண்களே மனதளவில் அதிகமான வலி, ஏக்கம் மற்றும் தனிமையை உணர்வதாக உளவியல் ஆய்வுகள் தெரிவிக்கின்றன. காதல் உறவு முடிவுக்கு வந்த பிறகு பெண்கள் தங்களின் உணர்ச்சிகளை நண்பர்கள் மற்றும் குடும்பத்தினருடன் பகிர்ந்து கொண்டு மன அழுத்தத்தில் இருந்து படிப்படியாக விடுபடும் வாய்ப்பு அதிகமாக உள்ளது.
ஆனால், பல ஆண்கள் தங்களுக்குள் ஏற்படும் சோகம், ஏமாற்றம் மற்றும் மன வேதனையை வெளிப்படையாக பகிர்ந்து கொள்ளாமல் மனதிற்குள்ளேயே வைத்துக் கொள்வதாக கூறப்படுகிறது. இதனால் காதல் முறிவின் தாக்கம் நீண்ட காலம் அவர்களின் மனதில் தொடர வாய்ப்புள்ளதாக உளவியலாளர்கள் தெரிவிக்கின்றனர்.
மேலும், காதலித்த நபரையே தங்களின் முக்கியமான அல்லது ஒரே ஆதரவாக கருதும் ஆண்களுக்கு, உறவு முடிந்த பிறகு உருவாகும் வெறுமை மற்றும் தனிமையை சமாளிப்பது கடினமாக இருக்கலாம். பிரிவுக்குப் பிறகு அந்த ஆதரவு இல்லாமல் போவது, அவர்களின் ஏக்கம் மற்றும் மன வேதனையை மேலும் அதிகரிக்கக்கூடும் என உளவியலாளர்கள் கூறுகின்றனர்.
