திருவாரூர் மாவட்டம் மன்னார்குடியில் சட்டவிரோதமாக ஆன்லைன் லாட்டரி விற்பனையில் ஈடுபட்டதாக கூறப்படும் 10 பேரை போலீசார் கைது செய்துள்ளனர். அவர்களிடம் இருந்து மடிக்கணினிகள், செல்போன்கள் உள்ளிட்ட பல்வேறு பொருட்கள் பறிமுதல் செய்யப்பட்டதாக தெரிவிக்கப்பட்டுள்ளது.
மன்னார்குடி பகுதியில் லாட்டரி விற்பனையை தடுக்க உரிய நடவடிக்கை எடுக்கத் தவறியதாக கூறி, காவல் ஆய்வாளர் ராஜ்கமலை காத்திருப்போர் பட்டியலுக்கு மாற்றி தஞ்சை சரக டிஐஜி ஜியா உல்ஹக் உத்தரவிட்டுள்ளார்.
தமிழகத்தில் லாட்டரி விற்பனைக்கு தடை உள்ள நிலையில், கேரள எல்லையோர மாவட்டங்களில் ஆன்லைன் லாட்டரி விற்பனை தொடர்பான நடவடிக்கைகள் அதிகரித்து வருவதாக கூறப்படுகிறது. இதனை தடுக்க போலீசார் தீவிர கண்காணிப்பில் ஈடுபட்டு வருகின்றனர்.
