கடலில் வாழும் உயிரினங்களில் ஜெல்லி மீன்கள் மிகவும் வித்தியாசமானவை. இவற்றுக்கு மூளை, இதயம், எலும்புகள், ரத்தம் போன்ற உறுப்புகள் கிடையாது. இருந்தாலும், பல கோடி ஆண்டுகளாக கடல் சூழலில் வெற்றிகரமாக வாழ்ந்து வருகின்றன.
ஜெல்லி மீன்களின் உடலில் சுமார் 95% நீரே இருப்பதால், அவை கரையில் ஒதுங்கும்போது உடல் விரைவாக உலர்ந்து, நீர்ச்சத்தை இழந்து மறைந்து போகும்.
இதில் மிகவும் ஆச்சரியமானது ‘Turritopsis dohrnii’ எனப்படும் ஒரு வகை. முதிர்ச்சி அடைந்த பிறகு மீண்டும் இளமை நிலைக்கு திரும்பும் தன்மை இதற்கு இருப்பதாக விஞ்ஞானிகள் கண்டறிந்துள்ளனர். இதனால், இது பொதுவாக “அழியாத ஜெல்லி மீன்” என அழைக்கப்படுகிறது.
இயற்கையின் வியக்க வைக்கும் படைப்புகளில் ஒன்றாக ஜெல்லி மீன்கள் தொடர்ந்து ஆராயப்பட்டு வருகின்றன.
