வீட்டில் பயன்படுத்தப்படும் மின் உபகரணங்களில் சில மாற்றங்கள் தென்பட்டால், அவற்றை சாதாரணமாக எடுத்துக்கொள்ளக் கூடாது. குறிப்பாக விளக்குகள் விட்டுவிட்டு எரிவது, கருகிய வாசனை வருவது அல்லது பிளக் இணைக்கும்போது பொறி பறப்பது போன்றவை மின் கோளாறுக்கான எச்சரிக்கை அறிகுறிகளாக இருக்கலாம்.
தளர்வான வயரிங், அதிகப்படியான மின்சுமை அல்லது மின்னழுத்தத்தில் ஏற்படும் மாற்றங்கள் காரணமாக மின் கம்பிகள் அதிகமாக சூடாகலாம். இதனால் மின்சார அதிர்ச்சி மட்டுமின்றி, தீ விபத்து ஏற்படும் அபாயமும் உள்ளது.
இதுபோன்ற அறிகுறிகள் தொடர்ந்து தென்பட்டால், பழுதடைந்த உபகரணத்தை பயன்படுத்துவதைத் தவிர்த்து, பாதுகாப்பாக மின் இணைப்பை துண்டிக்க வேண்டும். நீங்களாகவே வயரிங் அல்லது மின் சாதனங்களை சரிசெய்ய முயற்சிக்க வேண்டாம்.
உடனடியாக தகுதியான மின்சாரப் பணியாளரை அழைத்து மின் இணைப்புகளை பரிசோதித்து, தேவையான பழுதுகளை சரிசெய்வதே பாதுகாப்பான வழியாகும்.
