மத்திய அரசின் ஆயுஷ்மான் பாரத் திட்டத்தின் கீழ் தகுதியுள்ள பயனாளிகள் ரூ.5 லட்சம் வரையிலான கட்டணமில்லா மருத்துவ சிகிச்சையைப் பெற முடியும். இந்நிலையில், ஆயுஷ்மான் காப்பீட்டு அட்டையை வாட்ஸ்ஆப் மூலமாகவே எளிதாக பதிவிறக்கம் செய்யும் வசதி அறிமுகப்படுத்தப்பட்டுள்ளது.
இதற்காக ஆயுஷ்மான் சாரதியின் +91 72908 23838 என்ற வாட்ஸ்ஆப் எண்ணிற்கு ‘Hi’ என செய்தி அனுப்ப வேண்டும். பின்னர் சாட்பாட் வழங்கும் வழிமுறைகளைப் பின்பற்ற வேண்டும்.
அதில் ‘My Ayushman Card’ என்ற விருப்பத்தைத் தேர்வு செய்து, தேவையான e-KYC நடைமுறையை முடிக்க வேண்டும். இதன் பின்னர் ஆயுஷ்மான் காப்பீட்டு அட்டையை பதிவிறக்கம் செய்து கொள்ள முடியும்.
அரசு மருத்துவக் காப்பீட்டு சேவையை எளிதாக அணுக விரும்பும் தகுதியுள்ள பயனாளிகளுக்கு இந்த வசதி பயனுள்ளதாக இருக்கும். இருப்பினும், தனிப்பட்ட தகவல்களை அதிகாரப்பூர்வ சேனல்களில் மட்டுமே பகிர்ந்து கொள்வது பாதுகாப்பானது.
