Oplus_131072
சமையல் செய்யும் போது கைப்பிடி ஆடிப்போனால் அது பாதுகாப்பு குறைபாடாக மாறி விபத்துகளுக்கும் வழிவகுக்கலாம். அதிக அழுத்தத்தில் செயல்படும் குக்கரில் கைப்பிடி உறுதியாக இல்லாதது தீவிர ஆபத்தாக மாறக்கூடும். எனினும், இதற்காக உடனே மெக்கானிக்கரை அணுகவோ அல்லது புதிய கைப்பிடி வாங்கவோ அவசியமில்லை என வீட்டு உபயோக நிபுணர்கள் தெரிவிக்கின்றனர்.
தளர்வான திருகுகளை முதலில் சரியான அளவிலான ஸ்க்ரூ டிரைவரின் உதவியுடன் மெதுவாக கழற்ற வேண்டும். திருகு தலை kulai அடைந்திருந்தால் அதனை மாற்றிக் கொள்ளுவது பாதுகாப்பான தீர்வாகும். அதன் பின்னர், ஒரு சிறிய தடிமனான காகிதத் துண்டை எடுத்துக் கொண்டு, அதை லேசாக தண்ணீரில் நனைத்து சுருட்டி, திருகு துளையின் மேல் வைத்து அதற்கு மேல் திருகை மீண்டும் இறுக்கமாக மாட்ட வேண்டும். காகிதம் உள்ளே இடைவெளியை நிரப்பி திருகிற்கு கூடுதல் பிடிப்பை வழங்கும். இதேபோல், பிளாஸ்டிக் கவர் அல்லது பழைய பிளாஸ்டிக் பையின் ஒரு சிறிய துண்டையும் பயன்படுத்தலாம். திருகு துளையின் உள்ளே அந்த பிளாஸ்டிக் துண்டை வைத்து அதன் மேல் திருகை இறுக்கினால், அது திருகு தளர்வதைத் தடுத்து நீண்ட நாட்கள் உறுதியாக வைத்திருக்க உதவும்.
மேலும், திருகு துளை மிகவும் விரிவடைந்திருந்தால், சிறிதளவு மரத்தூள் அல்லது மேட்ச் ஸ்டிக் குச்சி துண்டுகளை உள்ளே வைத்து அதன் மீது திருகை இறுக்கும் முறையும் பலனளிக்கும் என நிபுணர்கள் கூறுகின்றனர். இருப்பினும், இத்தகைய தற்காலிக முறைகள் பலனளிக்காவிட்டால், தரமான ஸ்டெயின்லெஸ் ஸ்டீல் திருகுகளால் மாற்றுவது நல்லது. கைப்பிடி பொருத்தப்பட்டுள்ள பகுதியை அடிக்கடி சுத்தம் செய்து, எண்ணெய் அல்லது உணவுப் பிசின் தேக்கம் இல்லாமல் பராமரித்தால் துருப்பிடித்தல் மற்றும் துளை ஏற்படுவதைக் குறைக்கலாம்.
குக்கரை அளவுக்கு மீறி நிரப்புவது, குக்கர் சூடாக இருக்கும் போது திடீரென கைப்பிடியை இழுப்பது, ஒரு கைப்பிடியால் மட்டும் தூக்குவது போன்ற பழக்கவழக்கங்களும் கைப்பிடி தளர்வதற்குக் காரணமாக இருக்கலாம். அதனால், எப்போதும் இரு கைப்பிடிகளையும் பயன்படுத்தி தூக்குவது, குக்கர் குளிர்ந்த பிறகே சுத்தம் செய்வது போன்ற பாதுகாப்பு நடைமுறைகளைப் பின்பற்றுவது அவசியம். மாதத்திற்கு குறைந்தது ஒருமுறை திருகுகள் அனைத்தையும் பரிசோதித்து, சிறிய தளர்வும் இருந்தால் உடனே இறுக்குவது விபத்துகளைத் தவிர்க்க உதவும்.
அத்துடன், கைப்பிடியில் பிளவு, உருகல், அல்லது வெப்பத்தால் ஏற்பட்ட மாற்றங்கள் இருந்தால் அவற்றை கவனிக்காமல் விடக்கூடாது. அவ்வாறான சேதங்கள் தென்பட்டால் உடனடியாக மாற்றுவது பாதுகாப்பிற்காக முக்கியமானது. இவ்வாறு சில எளிய முன்னெச்சரிக்கை நடவடிக்கைகளையும், வீட்டிலேயே கிடைக்கும் சாதாரண பொருட்களையும் பயன்படுத்தி குக்கர் கைப்பிடி தளர்வு பிரச்சினையை சுலபமாகவும் செலவில்லாமலும் சரிசெய்து பாதுகாப்பான சமையலை உறுதி செய்யலாம் என்று வீட்டு உபயோக நிபுணர்கள் அறிவுறுத்துகின்றனர்.
