குளோபல் ஃபைனான்ஸ் வழங்கிய குளோபல் பேங்க் அவார்ட்ஸ் 2026 விருதுகளில், ‘உலகின் சிறந்த கார்ப்பரேட் வங்கி’ என்ற உயரிய விருதைப் பெற்று டிபிஎஸ் (DBS) வங்கி புதிய வரலாறு படைத்துள்ளது. இந்த விருதைப் பெறும் முதல் தென்கிழக்கு ஆசிய வங்கி என்ற பெருமையையும் டிபிஎஸ் பெற்றுள்ளது.
2005-ஆம் ஆண்டு இந்த விருதுப் பிரிவு அறிமுகப்படுத்தப்பட்டதிலிருந்து, தென்கிழக்கு ஆசியாவைச் சேர்ந்த எந்த வங்கியும் இந்த உலகளாவிய அங்கீகாரத்தைப் பெறவில்லை. அந்த சாதனையை தற்போது டிபிஎஸ் வங்கி நிகழ்த்தி, சர்வதேச வங்கி துறையில் தனது வலுவான நிலையை மீண்டும் ஒருமுறை நிரூபித்துள்ளது.
இதுமட்டுமின்றி, ‘ஆசியாவின் சிறந்த வங்கி’ மற்றும் ‘சிங்கப்பூரின் சிறந்த வங்கி’ என்ற விருதுகளையும் டிபிஎஸ் கைப்பற்றியுள்ளது. புதுமையான வங்கி சேவைகள், டிஜிட்டல் தொழில்நுட்ப முன்னேற்றம் மற்றும் வாடிக்கையாளர் மையப்படுத்தப்பட்ட சேவைகளுக்காக இந்த அங்கீகாரங்கள் வழங்கப்பட்டுள்ளதாக கூறப்படுகிறது. இந்த சாதனை, ஆசிய வங்கித் துறைக்கு சர்வதேச அளவில் மேலும் ஒரு பெருமையை சேர்த்துள்ளது.
