மோதிரங்களை எந்த எந்த விரல்களில் அணிந்தால் என்ன மாதிரியான பலன்கள் நம் உடலுக்கு கிடைக்கும்..!!

நம்மில் சிலருக்கு மாலை, தோடு அணிவதில் பெரிதாக பிடிப்பிருக்காது ஆனால் மோதிரம் அணிவதில் அநேகமானோர் ஆர்வத்துடன் செயற்படுவர் அதிலும் பெண்கள் சொல்லவே தேவையில்லை. நாம் சிறியவர்களாக இருந்த போது நாம் உண்ணும் வட்ட வடிவ சிப்ஸ்களை மோதிரமாக அணிந்து விளையாடியது ஞாபகத்தில் இருக்கிறதா…? இப்பழக்கம் இன்று பல உலோகங்களினாலான மோதிரத்தை வாங்கி அணியும் பழக்கத்திற்கு நம்மை ஆளாக்கி விட்டது. இவ்வாறாக நமக்கு பிடித்த மோதிரங்களை எந்த எந்த விரல்களில் அணிந்தால் என்ன மாதிரியான பலன்கள் நம் உடலுக்கு கிடைக்கும் பற்றிய தகவல்கள்.
இதோ! உங்களுக்காக,

பொதுவாக திருமணமான தம்பதியினர் மோதிரத்தினை இடது கையிலும் மற்றையவர்கள் வலது கையிலும் அணிவது வழக்கம். “ஏன் திருமணமானவர்கள் மட்டும் இடக்கையில் அணிகின்றனர்?”என்ற கேள்வி நம் அனைவர் மனதிலும் உண்டு ஏனெனில் நம் கைகளில் வலக்கை உடலின் செயற்பாடுகளுடனும் நமது இடக்கை மனதின் செயற்பாடுகளுடனும் தொடர்புடையதாக காணப்படுகிறது என்பதே இதன் காரணமாகும். ஒவ்வொருவரின் மதம் மற்றும் தொன்று தொட்டு அவர்கள் கடைப்பிடித்து வரும் சம்பிரதாய மரபுகளுக்கேற்ப மோதிரம் அணியும் கைகள் வேறுபடலாம்.

கைகளில் மோதிரம் அணிய தேர்ந்தெடுக்கப்படும் ஒவ்வொரு விரலின் பின்னும் ஒவ்வொரு காரணம் மறைந்துள்ளது. ஒவ்வொரு விரல்களுக்கும் ஒவ்வொரு வகையான அதிர்ஷ்டமும் பலனும் உண்டு.

கட்டை விரல்

கட்டை விரலில் மோதிரம் அணிவதால் உடல் ஆரோக்கியம் மேம்படுகிறது. எமது ஆற்றல்களை புதுப்பித்துக் கொள்ள முடியும். தீராத நோய்களினால் நீண்ட காலமாக துன்புற்று வருவோர்கள் கற்கள் மற்றும் உருவங்கள் அற்ற மோதிரத்தினை கட்டை விரலில் அணிந்து வந்தால் உடலில் படிப்படியாக மாற்றத்தினை காண முடியும்.

ஆள்காட்டி விரல்

இவ்விரலில் மோதிரம் அணிவதால் எமது ஆளுமை விருத்தியாகும். எமது தன்னம்பிக்கை மற்றும் மனதின் பலம் அதிகரிக்கும். எதிர்காலத்தினை சிறப்பாக அமைத்துக் கொள்ள விரும்புபவர்கள் இந்த விரலில் மோதிரம் அணிதல் சிறப்பானதாகும்.

நடு விரல்

கையில் நடுவிரலில் மோதிரம் அணிவதனால் நமக்கு பிடித்த உறவுகள் பலம் பெறும் என்றும் நம் காதலுக்குரியவர்கள் நம்மை விட்டு பிரியாதிருப்பர் என்றும் நம்பப்படுகிறது.

மோதிர விரல்

அதிகம் செல்வம் மற்றும் பணத்தினை சேர்க்க விரும்புபவர்கள் மோதிர விரலில் மோதிரிம் அணிதல் சிறந்ததாகும் ஏனெனில் மோதிர விரலில் மோதிரம் அணிதல் செல்வத்தினை ஈட்டவும் பணப்புழக்கத்தினை அதிகரிக்கவும் உதவுவதாக கருதப்படுகிறது.

சுண்டு விரல்

சுண்டு விரலில் மோதிரம் அணிவதால் உடலில் ஹோர்மோன் சம்பந்தமான பிரச்சனைகள் குறைந்து ஹோர்மோன்களின் சமநிலை சீராக பேணப்படும். அத்தோடு உள்ளுணர்வு மற்றும் புரிந்துணரும் தன்மையும் மேம்படும்.

இன்று எத்தனையோ உலோகங்களில் மோதிரங்கள் செய்யப்பட்டாலும் தங்கத்தினாலான மோதிரம் அணிதலே சிறப்பானதாகும்.