இந்த வார இறுதி நாட்களில் அம்மாவாசையும் இணைந்து வருவதால் தமிழக அரசு போக்குவரத்துக் கழகங்கள் தினசரி இயக்கப்படும் பேருந்துகளுடன் கூடுதலாக பேருந்துகளை இயக்க திட்டமிட்டுள்ளது.
இது தொடர்பாக தமிழக பேருந்து இயக்கம் வெளியிட்டுள்ள செய்தி குறிப்பில் குறிப்பிட்டு இருப்பவை “சென்னை கிளம்பாக்கத்தில் இருந்து திருவண்ணாமலை, திருச்சி, கும்பகோணம், மதுரை, திருநெல்வேலி, நாகர்கோயில், கன்னியாகுமரி, தூத்துக்குடி, கோயமுத்தூர், சேலம், ஈரோடு, திருப்பூர் ஆகிய பகுதிகளுக்கு 05.07.2024 வெள்ளிக்கிழமை அன்று 415 பேருந்துகளும் 06.07.2024 சனிக்கிழமை அன்று 310 பேருந்துகளும் கூடுதலாக இயக்க திட்டமிட்டுள்ளது. சென்னை கோயம்பேட்டிலிருந்து திருவண்ணாமலை ஆகிய இடங்களுக்கு 05.07.2024 வெள்ளிக்கிழமை அன்று 55 பேருந்துகளும், 06.07.2024 சனிக்கிழமை அன்று 55 பேருந்துகளும் மற்றும் பெங்களூரு, திருப்பூர், ஈரோடு மற்றும் கோயம்புத்தூர் ஆகிய இடங்களில் இருந்தும் பல்வேறு இடங்களுக்கு 200 சிறப்பு பேருந்துகள் இயக்க திட்டமிட்டுள்ளது.
மேலும் வார இறுதி நாளை முன்னிட்டு சென்னை கோயம்பேடு பேருந்து நிலையத்திலிருந்து திருவண்ணாமலைக்கு 05.072024-ம் தேதி அன்று 15 பேருந்துகளும் 06.07.2024 அன்று 15 பேருந்துகளும் கூடுதலாக இயக்க திட்டமிட்டப்பட்டுள்ளது, அன்று சொந்த ஊர்களில் இருந்து சென்னை மற்றும் பெங்களூர் திரும்ப வசதியாக பயணிகளின் தேவைக்கு ஏற்ப அனைத்து இடங்களிலும் இருந்து சிறப்பு பேருந்துகள் இயக்க திட்டமிடப்பட்டுள்ளது.
இந்த வார இறுதி நாளில் வெள்ளிக்கிழமை அன்று 7,350 பயணிகளும், சனிக்கிழமை அன்று 3,264 பயணிகள் மற்றும் ஞாயிற்றுக்கிழமை 7,290 பயணிகளும் பயணம் மேற்கொள்ளும் வகையில் முன்பதிவு செய்துள்ளனர். இந்த எண்ணிக்கை மேலும் அதிகரிக்க வாய்ப்பு உள்ள காரணத்தால் தொலைதூர பயணம் மேற்கொள்ள உள்ள பயணிகள் கூட்ட நெரிசலை தவிர்க்கும் பொருட்டு தங்கள் பயணத்திற்கு www.tntsc.in மற்றும் mobile app மூலம் பதிவு முன்பதிவு செய்து கொள்ள பயணிகளுக்கு அறிவுறுத்தப்பட்டுள்ளது. மேலும் இந்த சிறப்பு பேருந்துகள் இயக்கத்தை கண்காணிக்க அனைத்து பேருந்து நிலையங்களிலும் போதிய அலுவலர்கள் நியமனம் செய்யப்பட்டுள்ளனர். எனவே பயணிகள் மேற்கூறிய வசதியினை பயன்படுத்தி தங்களது பயணத்தினை மேற்கொள்ள இதன் மூலம் அறிவுறுத்தப்பட்டுள்ளனர், என தெரிவித்துள்ளனர்.
