அனைத்து ஆண்களும் கட்டாயம் தெரிந்துகொள்ள வேண்டிய விஷயங்கள்..!!
1] உங்களுக்கே உங்களுகாக.
• மாதம் ₹5000 சம்பாதித்தாலும், ₹5,00,000 சம்பாதித்தாலும், பத்து பேருக்கு சம்பளம் கொடுக்கும் முதலாளியாகவே இருந்தாலும்; செலவு செய்தது போக மீதமுள்ள(!!!) சேமிப்பெல்லாம் என்னுடையது தானே என்று நினைத்தால், உங்களை நீங்களே ஏமாற்றிக் கொண்டிருக்கிறீர்கள் என்று அர்த்தம்.
• அந்த சேமிப்பும் உங்களை சார்ந்தவர்களுக்காக செலவு செய்யவே சேமித்தது என்பதை உணரும் காலத்தே அவையனைத்தும் கரைந்து போயிருக்கும்.
• 60 வயதில் பழனிக்குச் சென்று ஆசையாய் ஒரு மொட்டை போடலாம் (உங்களுக்கே தான்:)) என்று நினைத்தால் கூட முதலில் பட்ஜெட் போட நிர்பந்திக்கப் படுவீர்கள். ஆகவே சம்பாதிக்க ஆரம்பிக்கும் காலத்தில் இருந்தே உங்களுக்கென 1% எடுத்து வையுங்கள். மொட்டை போட அல்ல, ஆகாமல் இருக்க.
• PF, பென்ஷன் என்று இருந்தாலும் சம்பாதிக்கும் பொழுதே உங்களுக்காக நீங்களே சேமிக்க ஆர்வம் கொள்ளாவிடில், பிறர் வலுக்கட்டாயமாக சேமித்து கொடுத்ததை கொண்டு என்ன செய்வீர்கள்??? சர்வமும் குடும்பத்திற்கே!
• லேட்டஸ்ட் ஹேர் ஸ்டைலை விட, உறுதியான உடலை விட, நேர்த்தியான ஆடையை விட, கச்சிதமான ஷூவை விட… ஒரு ஆணுக்கு தன்னம்பிக்கையை கொடுப்பது ஏழு/எட்டு இலக்க சேமிப்பு தான்.
• Pay yourself first.
2] பெண்களின் கவனத்தை ஈர்க்க முயற்சி செய்யாதீர்கள்.
ஜுன்ஸ் பேண்ட் போட்டாக்கா
பேஃகி பேண்டையே பார்ப்பாங்க
பேஃகி பேண்ட் போட்டாக்கா
வேட்டியத்தான் தேடுவாங்க.
• அவர்களுக்காக மாற்றிக் கொண்டே இருந்தால் சிக்குபுக்கு ரயிலே ஜிக்கும். எப்பொழுதும் உசிலம்பட்டி பெண்குட்டிகள் உஷாராகத்தான் இருப்பார்கள்.
• காலத்தால் கம்சன் வேஷம் போட நேர்ந்தாலும் குந்தவைக்கு செயல்வீரனை அடையாளம் தெரியும்..
3] மன அழுத்தத்தை கையாள கற்றுக் கொள்ளுங்கள்.
• கடினமான காலங்கலெல்லாமே அற்ப மாயைகள்.
• “இதுவும் கடந்து போகும்”/”எது நடந்ததோ, அது நன்றாகவே நடந்தது” என்பதை கடைப்பிடிக்க உறுதி கொள்ளுங்கள்.
4] சொல்வன்மை.
• ஆணோ, பெண்ணோ யாராயினும் சுருக்கமாக பேசி, நடையை கட்டுங்கள்.
கேட்டார்ப் பிணிக்கும் தகையவாய்க் கேளாரும்
வேட்ப மொழிவதாம் சொல்.
• உண்மையான எல்லாத்தையுமே பேசாவிட்டாலும், பேசுவது எல்லாமுமே உண்மையாக இருக்கட்டும்.
• நாணயம், நா நயம் இரண்டும் அவசியம்.
5] விட்டு விடுதலையாகி நிற்பாய்.
• யாருக்கும் அடிமையாக இருக்காதீர்கள். அன்புக்கு அடிமை, பண்புக்கு அடிமை என்று ஒவ்வொன்றாக பட்டியலில் சேர்த்துக் கொண்டே போக வேண்டாம்.
• எது உங்களை இழுத்து செல்கிறதோ, மூழ்கடிக்கும் முன்பே விழித்துக் கொண்டு வெளியேறி விடுங்கள்.
• சமூக இடைவெளி, பேச்சிலும் இருக்கட்டும்.
• 15 வயதில் பெற்ற தாயிடமிருந்தே தள்ளி நின்று பழகிவிட்டால், எப்பெண்ணிடமும் விழுந்து வார மாட்டீர்கள். எந்த வழி சென்றாலும் வந்தவழி மறக்க மாட்டீர்கள்.
6] சித்திரம் வரைய…
• அப்பாவிற்கு எந்த வயதில், என்ன நோய்? தாத்தாவிற்கு எப்படி? என்றெல்லாம் கேட்டு தெளிந்து, மருத்துவரின் ஆலோசனைப்படி உணவு முறையில் வாழ்வியலில் மாற்றங்களை ஏற்படுத்திக் கொள்ளுங்கள்.
குறிப்பாக உடற்பயிற்சி மூலம் உடலை உறுதியாக வைத்துக் கொள்ளுங்கள்.
• பெண்கள் சுயசம்பாத்யம், நிர்வாக திறமை பெற்றிருந்தாலும், ஏன் சமயத்தில் உங்களுக்கே ஐடியா கொடுத்தாலும், குடும்பம் என்று வந்துவிட்டால் தலைவனுக்கு நிகர் யார்?…
