இன்றைய காலகட்டத்தில் ஆதார் அட்டை முக்கியமான அடையாள ஆவணங்களில் ஒன்றாக உள்ளது. வங்கிச் சேவைகள், சிம் கார்டு பெறுதல், அரசு நலத்திட்டங்கள் உள்ளிட்ட பல்வேறு சேவைகளுக்கு ஆதார் விவரங்கள் பயன்படுத்தப்படுகின்றன.
ஆதாரில் உள்ள பெயர், பிறந்த தேதி உள்ளிட்ட தகவல்கள் மற்ற ஆவணங்களில் இருப்பதுடன் மாறுபட்டால், சில சேவைகளைப் பெறும்போது சிக்கல்கள் ஏற்பட வாய்ப்புள்ளது. எனவே, ஆதார் விவரங்களை சரியாக வைத்திருப்பது முக்கியம்.
ஆதார் அட்டையில் உள்ள பெயரை பொதுவாக 2 முறை வரை மாற்றிக்கொள்ள அனுமதி இருப்பதாக கூறப்படுகிறது. அதேபோல், பாலினம் மற்றும் பிறந்த தேதியை தலா ஒரு முறை மட்டுமே மாற்ற முடியும் என தெரிவிக்கப்படுகிறது.
இதனால் ஆதாரில் திருத்தம் செய்யும்போது சரியான தகவல்களை அளித்து, தேவையற்ற மாற்றங்களை தவிர்ப்பது அவசியம். ஏதேனும் முக்கியமான திருத்தம் தேவைப்பட்டால், உரிய ஆவணங்களுடன் சரியான நேரத்தில் புதுப்பித்துக்கொள்வது சிறந்தது.
