தேவையான பொருட்கள்:
* பாதாம் – 1 கப்
* சர்க்கரை – 1 கப்
* நெய் – 1 கப்
* பால் அல்லது தண்ணீர் – 1/4 கப்
* ஏலக்காய் பொடி – 1/4 தேக்கரண்டி
* குங்குமப்பூ – ஒரு சிட்டிகை (விருப்பப்பட்டால்)
செய்முறை:
* முதலில், பாதாமில் வெந்நீர் ஊற்றி 30 நிமிடங்கள் ஊறவைக்கவும். பின்னர், பாதாமின் தோலை எளிதாக நீக்கி விடலாம்.
* தோல் நீக்கிய பாதாம், பால் அல்லது தண்ணீர் சேர்த்து மிக்ஸியில் மைய அரைத்து விழுதாக்கிக் கொள்ளவும்.
* ஒரு அடிகனமான பாத்திரத்தில் அல்லது நான்-ஸ்டிக் பாத்திரத்தில் இந்த பாதாம் விழுதை ஊற்றி, மிதமான தீயில் கிளறவும்.
* பாதாமின் பச்சை வாசனை நீங்கி, கலவை கெட்டியாகத் தொடங்கியதும், சர்க்கரையைச் சேர்க்கவும்.
* சர்க்கரை முழுமையாகக் கரைந்து, கலவையுடன் ஒன்றுசேர நன்கு கிளறவும்.
* இப்போது, நெய்யை சிறிது சிறிதாகச் சேர்த்து தொடர்ந்து கிளறவும். அல்வா பாத்திரத்தின் ஓரத்தில் ஒட்டாமல், திரண்டு வரும் வரை கைவிடாமல் கிளறவும்.
* குங்குமப்பூவை சிறிது பாலில் கரைத்து அல்வாவுடன் சேர்த்தால், நல்ல நிறம் கிடைக்கும்.
* அல்வா சரியான பதத்திற்கு வந்ததும், ஏலக்காய் பொடி சேர்த்து நன்கு கலக்கவும்.
* அல்வா பாத்திரத்தின் ஓரங்களிலிருந்து விலகி, மொத்தமாக திரண்டு வரும்போது அடுப்பை அணைத்து விடலாம்.
இந்த சுவையான பாதாம் அல்வாவை சூடாகவோ அல்லது ஆற வைத்தோ பரிமாறலாம்..
