மகளிர் உரிமைத்தொகை நிறுத்தம்.. 2ஆம் கட்ட பயனாளிகள் குறித்து தங்கம் தென்னரசு குற்றச்சாட்டு!

தமிழக அரசின் மகளிர் உரிமைத்தொகைத் திட்டத்தின் கீழ் இரண்டாம் கட்டமாகப் பயன்பெற்று வந்த பெண்களில் 50 சதவீதத்திற்கும் அதிகமானோருக்கு மாதாந்திர உதவித்தொகை நிறுத்தப்பட்டுள்ளதாக வெளியாகும் தகவல்கள் கவலையளிப்பதாக திமுக முன்னாள் அமைச்சர் தங்கம் தென்னரசு தெரிவித்துள்ளார்.
பெண்களுக்கு மாதந்தோறும் ரூ.2,500 வழங்கப்படும் என்று வாக்குறுதி அளித்துவிட்டு, ஏற்கெனவே தகுதியின் அடிப்படையில் மாதம் ரூ.1,000 பெற்று வந்த பெண்களுக்கான உதவித்தொகையையும் அரசு நிறுத்தியிருப்பதாக அவர் விமர்சித்துள்ளார். குறிப்பாக, எந்தவொரு தெளிவான காரணமும் தெரிவிக்காமல் பயனாளிகளின் உதவித்தொகையை நிறுத்துவது அவர்களின் அன்றாட குடும்பச் செலவுகளையும் வாழ்வாதாரத்தையும் பாதிக்கக்கூடும் எனக் குறிப்பிட்டுள்ளார்.
பெண்களின் பொருளாதாரத் தேவைகளுக்கு ஆதரவாக வழங்கப்பட்டு வந்த இந்தத் தொகை திடீரென நிறுத்தப்படுவது தொடர்பாக அரசு உரிய விளக்கமளிக்க வேண்டும் என்பதே தங்கம் தென்னரசுவின் குற்றச்சாட்டாக உள்ளது.




கருத்துகள் (0)