பெண்களுக்கு ஏற்படும் உடல் பருமன் மற்றும் அதனால் உருவாகும் ஹார்மோன் சமநிலையின்மை, கருமுட்டைகளின் இயல்பான வளர்ச்சியை பாதிக்கக்கூடும் என மருத்துவ நிபுணர்கள் தெரிவிக்கின்றனர். உடலில் அதிகரிக்கும் கொழுப்பு திசுக்களால் ஈஸ்ட்ரோஜன் அளவில் மாற்றங்கள் ஏற்படுவதுடன், தைராய்டு கோளாறுகள் மற்றும் ‘பிசிஓஎஸ்’ போன்ற பாதிப்புகளும் உருவாகலாம். இதன் காரணமாக மாதவிடாய் சுழற்சியில் மாற்றங்கள் ஏற்படுவதுடன், கருத்தரிக்கும் வாய்ப்பும் குறையக்கூடும். எனவே, உடல் எடையை ஆரோக்கியமான அளவில் பராமரிப்பது ஹார்மோன் சமநிலையை மேம்படுத்தவும், கருமுட்டையின் இயல்பான வளர்ச்சிக்கு உதவவும் முக்கியமாகும். உடல் எடை தொடர்பான பிரச்சினைகள் இருந்தால், மருத்துவரின் ஆலோசனையுடன் உணவு மற்றும் உடற்பயிற்சி முறைகளை பின்பற்றுவது சிறந்தது.
