Oplus_131072
மனித உடலில் ஆற்றல் உற்பத்தி மற்றும் ஹார்மோன் செயல்பாடுகளைக் கட்டுப்படுத்தும் தைராய்டு சுரப்பியில் இரண்டு வகையான குறைபாடுகள் ஏற்படுகின்றன.
முதலாவதாக, தைராய்டு ஹார்மோன் குறைவாகச் சுரக்கும் “ஹைப்போ தைராய்டிசம்” (Hypothyroidism) ஏற்பட்டால், அசுர வேகத்தில் உடல் எடை அதிகரிப்பு, அதீத சோர்வு, தோல் வறட்சி, முடி உதிர்தல், மலச்சிக்கல், மனச்சோர்வு மற்றும் பெண்களுக்கான மாதவிடாய் சுழற்சி மாறுபாடு போன்ற அறிகுறிகள் தோன்றும்.
இரண்டாவதாக, ஹார்மோன் தேவைக்கு அதிகமாகச் சுரக்கும் “ஹைப்பர் தைராய்டிசம்” (Hyperthyroidism) ஏற்பட்டால், திடீரென உடல் எடை குறைதல், படபடப்பு, இதயத் துடிப்பு அதிகரிப்பு, அதிக வியர்வை, கை நடுக்கம் மற்றும் தூக்கமின்மை போன்ற எதிர்மறை விளைவுகள் ஏற்படும் என மருத்துவர்கள் விவரிக்கின்றனர்.
தைராய்டு கோளாறுகளுக்கு முறையான சிகிச்சை அளிக்கத் தவறினால், அது உடலில் கொலஸ்ட்ரால் அளவை அதிகரித்து, இதய நோய், செரிமானக் கோளாறு, எலும்பு மெலிதல் (Osteoporosis) மற்றும் பெண்களின் கருத்தரிப்புத் திறனைப் பாதித்துக் கர்ப்ப காலச் சிக்கல்களை உருவாக்கும்.
இதிலிருந்து தப்பிக்க, அயோடின், செலினியம், ஜிங்க் மற்றும் இரும்புச்சத்து நிறைந்த மீன், முட்டை, பருப்பு வகைகள், பால் பொருட்கள், பச்சை இலைக் காய்கறிகள் போன்ற சமச்சீர் உணவுகளை உட்கொள்ள வேண்டும்.
போதிய தூக்கம், மன அழுத்தக் கட்டுப்பாடு மற்றும் பதப்படுத்தப்பட்ட உணவுகளைத் தவிர்ப்பதுடன், மருத்துவர் ஆலோசனையின்றித் தன்னிச்சையாக மாத்திரைகளை உட்கொள்ளக் கூடாது என்றும் மருத்துவ வல்லுநர்கள் எச்சரிக்கின்றனர்.
