மத்தியப் பிரதேசத்தில் பொது சிவில் சட்ட (Uniform Civil Code – UCC) மசோதாவுக்கு மாநில அமைச்சரவை அதிகாரப்பூர்வமாக ஒப்புதல் அளித்துள்ளது.
மசோதாவின்படி, பழங்குடியின மக்களுக்கு இந்தச் சட்டத்தில் இருந்து முழுமையான விலக்கு வழங்கப்பட்டுள்ளது. மேலும், ஆண்களுக்கான திருமண வயது 21 ஆண்டுகளாகவும், பெண்களுக்கான திருமண வயது 18 ஆண்டுகளாகவும் குறிப்பிடப்பட்டுள்ளது.
திருமணம், விவாகரத்து, பரம்பரை உரிமை உள்ளிட்ட தனிநபர் சிவில் விவகாரங்களில் ஒரே மாதிரியான சட்ட நடைமுறையை உருவாக்கும் நோக்கில் இந்த மசோதா தயாரிக்கப்பட்டுள்ளதாக தெரிவிக்கப்பட்டுள்ளது.
இந்த மசோதா சட்டமாக அமலுக்கு வர, அடுத்தடுத்த சட்டமன்ற நடைமுறைகள் மற்றும் தேவையான ஒப்புதல்கள் பெறப்பட வேண்டும்.
