செஞ்சி சிறுமி மாயமான வழக்கு: 26வது நாளாக தீவிர விசாரணையில் சிபிசிஐடி!

விழுப்புரம் மாவட்டம் செஞ்சி பகுதியில் சிறுமி காணாமல் போன சம்பவம் தொடர்பாக சிபிசிஐடி போலீசார் தொடர்ந்து விசாரணை நடத்தி வருகின்றனர். சிறுமி மாயமாகி 26 நாட்கள் கடந்துள்ள நிலையில், வழக்கில் புதிய தகவல்களைத் திரட்ட பல்வேறு கோணங்களில் விசாரணை தீவிரப்படுத்தப்பட்டுள்ளது.
இதன் ஒரு பகுதியாக, சிறுமியின் தந்தை வடிவேலை ரகசிய இடத்திற்கு அழைத்துச் சென்ற போலீசார் அவரிடம் தீவிர விசாரணை மேற்கொண்டு வருவதாகத் தெரிவிக்கப்பட்டுள்ளது. சிறுமி காணாமல் போனதற்கான பின்னணி மற்றும் சம்பவம் தொடர்பான விவரங்களை அறிய விசாரணை நடைபெற்று வருகிறது.
இதற்கிடையே, சிறுமியைத் தேடும் பணிகளும் தொடர்ந்து மேற்கொள்ளப்பட்டு வருகின்றன. வனப்பகுதிகள், செங்கல் சூளைகள் உள்ளிட்ட பல்வேறு இடங்களில் தேடுதல் நடவடிக்கை நடைபெறுகிறது. சிறுமி குறித்த தகவல்களைக் கண்டறிந்து வழக்கில் முன்னேற்றம் ஏற்படுத்தும் நோக்கில் சிபிசிஐடி குழுவினர் விசாரணையைத் தொடர்ந்து வருகின்றனர்.




கருத்துகள் (0)