செவ்வாய், நவம்பர் 17, 2026
உண்மையின் குரல்
சமையல்

பருப்பு இல்லாமலேயே 10 நிமிடத்தில் சாம்பார் செய்யலாம்! இட்லி, தோசைக்கு ஏற்ற சூப்பர் ரெசிபி!

பருப்பு இல்லாமலேயே 10 நிமிடத்தில் சாம்பார் செய்யலாம்! இட்லி, தோசைக்கு ஏற்ற சூப்பர் ரெசிபி!

வீட்டில் பருப்பு இல்லாத நேரத்திலும், அவசரமாக ஏதாவது சுவையான சைட் டிஷ் தயாரிக்க வேண்டும் என்றாலும் இந்தத் திடீர் சாம்பார் கைகொடுக்கும். குறிப்பாக பேச்சுலர்கள் மற்றும் வேலைக்குச் செல்பவர்களுக்கு மிகவும் பயனுள்ள இந்த ரெசிபியை வெறும் 10 நிமிடங்களில் எளிதாகச் செய்து முடித்துவிடலாம். பருப்பு வேகவைக்க வேண்டிய அவசியமும் இல்லை.

 

முதலில் ஒரு வாணலியில் சிறிதளவு எண்ணெய் ஊற்றி சூடானதும் கடுகு, உளுத்தம் பருப்பு, கடலைப் பருப்பு, வெந்தயம் ஆகியவற்றைச் சேர்த்துத் தாளிக்க வேண்டும். பின்னர் பொடியாக நறுக்கிய வெங்காயம், பச்சை மிளகாய், கறிவேப்பிலை ஆகியவற்றைச் சேர்த்து வதக்கவும். இதனுடன் தக்காளி, மஞ்சள் தூள் மற்றும் தேவையான அளவு உப்பு சேர்த்து தக்காளி நன்கு மசியும் வரை கிளற வேண்டும்.

 

அடுத்ததாகத் தேவையான அளவு தண்ணீர் ஊற்றி கலவையை நன்றாகக் கொதிக்க விட வேண்டும். தனியாக ஒரு பாத்திரத்தில் சிறிதளவு கடலை மாவைத் தண்ணீர் சேர்த்துக் கட்டிகள் இல்லாமல் கரைத்துக் கொள்ள வேண்டும். பின்னர் இந்தக் கலவையை கொதித்துக் கொண்டிருக்கும் குழம்பில் மெதுவாக ஊற்றி நன்றாகக் கிளற வேண்டும்.

 

இதைத் தொடர்ந்து சுமார் 2 நிமிடங்கள் கொதிக்கவிட்டு, இறுதியாகப் பொடியாக நறுக்கிய கொத்தமல்லித் தழையைத் தூவி இறக்கினால் சுவையான திடீர் சாம்பார் தயார். இட்லி, தோசை ஆகியவற்றுடன் சேர்த்துச் சாப்பிடுவதற்கு ஏற்ற இந்த எளிய சமையல், குறைந்த நேரத்தில் சுவையான உணவு தயாரிக்க விரும்புபவர்களுக்கு நல்ல தேர்வாக இருக்கும்.

கருத்துகள் (0)

கருத்து தெரிவிக்க

நிர்வாகி அனுமதித்த பின் உங்கள் கருத்து வெளியாகும்.