அரசு வங்கிக் கணக்குகளில் ரூ.22 கோடி மோசடி; சிவகங்கையில் 7 பேர் கைது!

சிவகங்கை மாவட்டத்தில் அரசு வங்கிக் கணக்குகளில் இருந்து சுமார் ரூ.22 கோடி முறைகேடாகப் பரிமாற்றம் செய்யப்பட்டதாக எழுந்த புகாரைத் தொடர்ந்து, 7 பேரை காவல்துறையினர் கைது செய்துள்ளனர். இந்தச் சம்பவம் தொடர்பாக மேற்கொள்ளப்பட்ட விசாரணையில், மொத்தம் 24 வங்கிக் கணக்குகளைப் பயன்படுத்தி பெருமளவிலான பணம் மோசடி செய்யப்பட்டது கண்டறியப்பட்டுள்ளது.

இதையடுத்து, மோசடியில் ஈடுபட்டதாகக் கைது செய்யப்பட்ட 7 பேரிடமும் காவல்துறையினர் தீவிர விசாரணை மேற்கொண்டு வருகின்றனர். அரசு வங்கிப் பணம் எவ்வாறு கையாளப்பட்டது, மோசடி செய்யப்பட்ட தொகை எந்த வழிகளில் பரிமாற்றம் செய்யப்பட்டது, இந்தச் சம்பவத்தில் மேலும் யாருக்காவது தொடர்பு உள்ளதா என்பது உள்ளிட்ட பல்வேறு கோணங்களில் விசாரணை நடைபெற்று வருகிறது. இந்த மோசடி தொடர்பாக அடுத்தகட்ட விசாரணையில் மேலும் தகவல்கள் வெளியாகலாம் என எதிர்பார்க்கப்படுகிறது.