காவிரி விவகாரம்: தமிழக அரசை விமர்சித்த எடப்பாடி பழனிசாமி!

காவிரி நதிநீர் பிரச்னையில் தமிழக அரசின் செயல்பாடுகள் குறித்து அதிமுக பொதுச்செயலாளர் எடப்பாடி பழனிசாமி கடுமையான விமர்சனங்களை முன்வைத்துள்ளார். விளையாட்டுப் பிள்ளைகளின் கையில் சிக்கிய பொம்மையைப் போல, திறமையற்றவர்களின் கையில் தவெக அரசு இருப்பதாக அவர் தனது அறிக்கையில் குறிப்பிட்டுள்ளார்.

மேலும், கும்பகர்ணனைக் கூட தூக்கத்திலிருந்து எழுப்பிவிடலாம் என்றும், ஆனால் தற்போதைய சிறுபான்மை ஆட்சியாளர்களின் கவனத்தை ஈர்த்து செயல்பட வைப்பது மிகவும் கடினமாக இருப்பதாகவும் அவர் விமர்சித்துள்ளார். காவிரி விவகாரத்தில் தமிழக அரசின் நடவடிக்கைகள் குறித்து அரசியல் ரீதியான விமர்சனங்கள் தொடர்ந்து எழுந்து வருகின்றன.