வியாழன், நவம்பர் 19, 2026
உண்மையின் குரல்
இந்தியா

பறவை காய்ச்சலை தடுக்க புதிய H5N1 தடுப்பூசி.. நவ.20ல் அறிமுகம் செய்ய மத்திய அரசு திட்டம்!

பறவை காய்ச்சலை தடுக்க புதிய H5N1 தடுப்பூசி.. நவ.20ல் அறிமுகம் செய்ய மத்திய அரசு திட்டம்!

இந்தியாவில் கோழிப் பண்ணைகளைப் பாதித்து வரும் பறவை காய்ச்சல் பாதிப்பைக் கட்டுப்படுத்தும் நோக்கில், உள்நாட்டிலேயே தயாரிக்கப்பட்ட புதிய H5N1 வைரஸ் தடுப்பூசியை அறிமுகப்படுத்த மத்திய அரசு திட்டமிட்டுள்ளது. அதன்படி, வரும் நவம்பர் 20ஆம் தேதி இந்தத் தடுப்பூசி பயன்பாட்டுக்கு அறிமுகம் செய்யப்பட உள்ளதாக தெரிவிக்கப்பட்டுள்ளது.

 

பறவை காய்ச்சல் பரவல் காரணமாக நாடு முழுவதும் கோழிப் பண்ணைத் தொழில் பல்வேறு பொருளாதார சவால்களைச் சந்தித்து வருகிறது. நோய் பாதிப்பால் கோழிகள் உயிரிழப்பது உள்ளிட்ட பிரச்சினைகள் பண்ணையாளர்களுக்கு இழப்புகளை ஏற்படுத்தி வருகின்றன. இதற்கு தீர்வு காணும் வகையில், இந்தியாவிலேயே புதிய தடுப்பூசி உருவாக்கப்பட்டுள்ளது.

 

இந்தத் தடுப்பூசி அறிமுகப்படுத்தப்படுவதன் மூலம் கோழிகளுக்கு H5N1 வைரஸ் பாதிப்பு ஏற்படும் அபாயத்தைக் கட்டுப்படுத்த உதவுவதுடன், கோழிப் பண்ணைத் தொழிலின் பாதுகாப்பையும் மேம்படுத்த முடியும் என எதிர்பார்க்கப்படுகிறது. இதனால் நாடு முழுவதும் உள்ள கோழிப் பண்ணையாளர்களுக்கு நிவாரணம் கிடைக்கும் என்ற நம்பிக்கை எழுந்துள்ளது.

கருத்துகள் (0)

கருத்து தெரிவிக்க

நிர்வாகி அனுமதித்த பின் உங்கள் கருத்து வெளியாகும்.