தனுஷின் அரசியல் வருகை குறித்த சர்ச்சை: “பாஜகவுடன் பேசுவதில் என்ன தவறு?” – திண்டுக்கல் சீனிவாசன்!
சென்னையில் நேற்று (அக். 25) நடிகர் தனுஷ் தனது மகளிர் அணி நிர்வாகிகளைச் சந்தித்ததாகவும், அப்போது அவர்களுக்குப் பரிசாக வெள்ளி விளக்குகளை வழங்கியதாகவும் தகவல் வெளியாகியுள்ளது. அந்த விளக்குகளின் அடிப்பகுதியில் தாமரைச் சின்னம் இடம்பெற்றிருந்ததாகக் கூறப்படுவது அரசியல் வட்டாரத்தில் விவாதத்தை ஏற்படுத்தியுள்ளது.
இதையடுத்து, பாஜகவின் ஆதரவுடன் தனுஷ் புதிய கட்சி தொடங்கத் திட்டமிட்டுள்ளதாகச் சமூக வலைதளங்களில் தகவல்கள் பரவி வருகின்றன. எனினும், இதுகுறித்து அதிகாரப்பூர்வ அறிவிப்பு எதுவும் வெளியாகவில்லை.
இந்த விவகாரம் தொடர்பாக மதுரையில் இன்று (அக். 26) அதிமுக முன்னாள் அமைச்சர் திண்டுக்கல் சீனிவாசனிடம் செய்தியாளர்கள் கேள்வி எழுப்பினர். அதற்குப் பதிலளித்த அவர், “தனுஷிற்கு பின்னால் பாஜக இருந்தால் என்ன? பாஜகவுடன் பேசுவதில் என்ன தவறு?” என்று தெரிவித்துள்ளார்.
தனுஷின் அரசியல் நகர்வு குறித்த பேச்சுகள் பரபரப்பை ஏற்படுத்தியுள்ள நிலையில், அவரது தரப்பிலிருந்து இதுகுறித்த விளக்கம் வெளியாகுமா என்ற எதிர்பார்ப்பு எழுந்துள்ளது.
கருத்துகள் (0)