“சட்டத்தின் மூலம் எதிர்கொள்வோம்” – கைது குறித்து அன்பில் மகேஷ் கருத்து!

திமுக முன்னாள் அமைச்சர் அன்பில் மகேஷ், சென்னை ராஜீவ் காந்தி அரசு பொது மருத்துவமனையின் அவசர சிகிச்சைப் பிரிவில் மருத்துவப் பரிசோதனைக்கு உட்படுத்தப்பட்டார். பின்னர், நீதிமன்றத்தில் ஆஜர்படுத்தப்படுவதற்கு முன்பாக செய்தியாளர்களிடம் பேசிய அவர், காவல்துறையின் விசாரணைக்கு முழுமையாக ஒத்துழைப்பு அளித்ததாகத் தெரிவித்தார்.

தனது கைது நடவடிக்கை குறித்துப் பேசிய அன்பில் மகேஷ், “கைது செய்ய வேண்டும் என்ற நோக்கத்திலேயே இந்த நடவடிக்கை எடுக்கப்பட்டுள்ளது. இதைச் சட்டத்தின் மூலம் எதிர்கொள்வோம்” என்று கூறினார். அவரது கைது தொடர்பான வழக்கில் அடுத்தகட்ட சட்ட நடவடிக்கைகள் என்னவாக இருக்கும் என்பது எதிர்பார்ப்பை ஏற்படுத்தியுள்ளது.