சென்னை எண்ணூரில் இரண்டரை வயது குழந்தைக்கு பாலியல் தொல்லை: 36 வயது நபர் போக்சோவில் கைது!

சென்னை எண்ணூர் பகுதியில் இரண்டரை வயது பெண் குழந்தைக்கு பாலியல் தொல்லை அளித்ததாகக் கூறப்படும் ஆந்திராவைச் சேர்ந்த ரஞ்சித் (36) என்பவரை போலீசார் போக்சோ சட்டத்தின் கீழ் கைது செய்துள்ளனர்.

குழந்தைக்கு தொடர்ந்து பாலியல் அத்துமீறல் நடந்ததாகக் கூறப்படும் நிலையில், அதன் உடல்நலம் பாதிக்கப்பட்டுள்ளது. இதையடுத்து, குழந்தை எழும்பூர் அரசு குழந்தைகள் நல மருத்துவமனையில் சிகிச்சைக்காக அனுமதிக்கப்பட்டுள்ளது.

மருத்துவமனையில் குழந்தைக்குத் தீவிர சிகிச்சை அளிக்கப்பட்டு வரும் நிலையில், சம்பவம் தொடர்பாக போலீசார் தொடர்ந்து விசாரணை மேற்கொண்டு வருகின்றனர். குழந்தைகளுக்கு எதிரான இத்தகைய குற்றங்களைத் தடுக்கவும், அவர்களின் பாதுகாப்பை உறுதி செய்யவும் வேண்டியதன் அவசியத்தை இந்தச் சம்பவம் மீண்டும் உணர்த்துகிறது.