சேலத்தில் பட்டப்பகலில் பிரபல ரவுடி வெட்டிக்கொலை: மர்ம கும்பலுக்கு போலீசார் வலைவீச்சு!

சேலம் ரெட்டிபட்டி பகுதியில் பிரபல ரவுடி டேவிட் என்பவரை மர்ம கும்பல் பட்டப்பகலில் வெட்டிக்கொலை செய்துவிட்டு தப்பியோடிய சம்பவம் அப்பகுதியில் பெரும் பரபரப்பை ஏற்படுத்தியுள்ளது.

பட்டப்பகலில் நடந்த இந்தக் கொலை சம்பவம் குறித்து தகவலறிந்த சூரமங்கலம் போலீசார் உடனடியாக சம்பவ இடத்திற்கு விரைந்து சென்றனர். பின்னர், உயிரிழந்த டேவிட்டின் உடலைக் கைப்பற்றி பிரேதப் பரிசோதனைக்காக அனுப்பி வைத்தனர்.

இந்தக் கொலைக்கான காரணம் என்ன, சம்பவத்தின் பின்னணியில் முன்விரோதம் ஏதேனும் உள்ளதா என்பது குறித்து போலீசார் வழக்குப் பதிவு செய்து தீவிர விசாரணை நடத்தி வருகின்றனர். மேலும், கொலையில் ஈடுபட்டதாகக் கூறப்படும் மர்ம கும்பலைச் சேர்ந்தவர்களைக் கண்டறியவும் நடவடிக்கை மேற்கொள்ளப்பட்டு வருகிறது.