சென்னையில் நாளை வாக்காளர் சிறப்பு முகாம்!..

சென்னை மாவட்டத்தில் உள்ள 16 சட்டமன்றத் தொகுதிகளிலும் மொத்தம் 4,079 வாக்குச்சாவடி மையங்களில் அக்டோபர் 10, 11 ஆகிய தேதிகளில் வாக்காளர் சிறப்பு முகாம்கள் நடைபெற உள்ளன. காலை 10 மணி முதல் மாலை 5 மணி வரை நடைபெறும் இந்த முகாம்களில், வாக்காளர் பட்டியலில் பெயர் இடம்பெறாத தகுதியானவர்கள் மற்றும் முதல் முறையாக வாக்காளர் பட்டியலில் பெயர் சேர்க்க விரும்பும் இளைஞர்கள் விண்ணப்பிக்கலாம். உரிய ஆவணங்களுடன் தங்கள் பகுதி வாக்குச்சாவடி மையத்திற்குச் செல்ல வேண்டும் என அறிவுறுத்தப்பட்டுள்ளது.