கள்ளக்குறிச்சி ஆட்சியர் விவகாரம்: முதல்வர் விஜய் விளக்கமளிக்க வேண்டும் என அண்ணாமலை வலியுறுத்தல்!

கள்ளக்குறிச்சி மாவட்ட ஆட்சியர் தொடர்பான விவகாரத்தில், தவெக சட்டமன்ற உறுப்பினர் தரப்பில் ஏதேனும் பிரச்சினை ஏற்பட்டிருந்தால், அது குறித்து தமிழக முதல்வர் விஜய் தாமாக முன்வந்து பொதுமக்களுக்கு விளக்கம் அளிக்க வேண்டும் என்று 'வீ த லீடர்ஸ்' அமைப்பின் தலைவர் அண்ணாமலை வலியுறுத்தியுள்ளார். இந்த விவகாரம் தொடர்பாக முதல்வர் அலுவலகமும், தவெக தரப்பும் இதுவரை மௌனம் காப்பது பல்வேறு கேள்விகளுக்கு வழிவகுப்பதாக அவர் தெரிவித்துள்ளார்.

மேலும், இதுதொடர்பாக வெளியாகி வரும் தகவல்கள் உண்மையாக இருக்குமோ என்ற சந்தேகம் மக்களிடையே அதிகரிப்பதாகவும் அண்ணாமலை குறிப்பிட்டுள்ளார். மாவட்ட ஆட்சியருக்கு குறுஞ்செய்தி அனுப்பப்பட்டதாகக் கூறப்படும் தகவல் உண்மையாக இருக்கும் பட்சத்தில், சம்பந்தப்பட்டவர்கள் மீது உரிய விசாரணை நடத்தி நடவடிக்கை எடுக்க வேண்டும் என்றும் அவர் வலியுறுத்தியுள்ளார்.