வியாழன், நவம்பர் 19, 2026
உண்மையின் குரல்
தமிழகம்

பெண்ணிடம் தகராறு செய்ததாக புகார்: தவெக நிர்வாகி கட்சியில் இருந்து நீக்கம்!

பெண்ணிடம் தகராறு செய்ததாக புகார்: தவெக நிர்வாகி கட்சியில் இருந்து நீக்கம்!

கோவை மாவட்டம் தொண்டாமுத்தூர் அருகே உள்ள இருசக்கர வாகன ஷோரூமில், அதன் உரிமையாளரின் மனைவியிடம் தவெக நிர்வாகி ஒருவர் தகராறில் ஈடுபட்டதாகப் புகார் எழுந்துள்ளது. கணவர் இல்லாத நேரத்தில் ஷோரூமிற்குள் நுழைந்த அந்த நிர்வாகி, பெண்ணிடம் அத்துமீறி நடந்துகொண்டதாகக் கூறப்படுகிறது.

 

இந்தச் சம்பவம் தொடர்பாகப் பாதிக்கப்பட்ட பெண் வீடியோ ஆதாரங்களை வெளியிட்டதைத் தொடர்ந்து, விவகாரம் சமூக வலைதளங்களில் பரவலாகப் பேசப்பட்டு சர்ச்சையை ஏற்படுத்தியது. பெண் வெளியிட்ட காணொளிகள் தொடர்பாகப் பலரும் தங்களது கருத்துகளைப் பகிர்ந்து வந்தனர்.

 

இந்நிலையில், இந்த விவகாரத்தில் தொடர்புடையதாகக் கூறப்படும் வேடப்பட்டி நகரச் செயலாளர் பிரகாஷ் மீது தவெக தலைமை நடவடிக்கை எடுத்துள்ளது. அவரை கட்சியின் அனைத்து பொறுப்புகள் மற்றும் அடிப்படை உறுப்பினர் நிலையிலிருந்து உடனடியாக நீக்குவதாகக் கட்சித் தலைமை அதிகாரப்பூர்வமாக அறிவித்துள்ளது.

 

இந்த நடவடிக்கை கோவை மாவட்ட அரசியல் வட்டாரத்திலும் சமூக வலைதளங்களிலும் கவனத்தைப் பெற்றுள்ளது.

கருத்துகள் (0)

கருத்து தெரிவிக்க

நிர்வாகி அனுமதித்த பின் உங்கள் கருத்து வெளியாகும்.