தமிழக அரசு மருத்துவமனைகளில் மேலும் 3,000 பேருக்கு வேலைவாய்ப்பு! அமைச்சர் முக்கிய அறிவிப்பு!

தமிழகத்தில் அரசு மருத்துவமனைகளில் காலியாக இருந்த செவிலியர் பணியிடங்களை நிரப்பும் நடவடிக்கை நிறைவடைந்துள்ளதாக அமைச்சர் அருண்ராஜ் தெரிவித்துள்ளார். நீண்ட நாட்களாக நிரப்பப்படாமல் இருந்த 4,724 செவிலியர் பணியிடங்களும் நீதிமன்றத்தில் இருந்த தடைகள் நீக்கப்பட்ட பிறகு நிரப்பப்பட்டுள்ளதாக அவர் கூறியுள்ளார். இந்தப் பணியிடங்களுக்கான தேர்வு எவ்வித அரசியல் அல்லது தனிப்பட்ட பரிந்துரைகளுக்கும் இடமளிக்காமல், விண்ணப்பதாரர்களின் மதிப்பெண்களின் அடிப்படையில் வெளிப்படையான முறையில் மேற்கொள்ளப்பட்டதாகவும் விளக்கமளித்துள்ளார்.
மேலும், அரசு மருத்துவமனைகளில் மருத்துவச் சேவைகளை மேம்படுத்துவதற்கும், தேவையான பணியாளர்களின் எண்ணிக்கையை அதிகரிப்பதற்கும் அடுத்தகட்ட நடவடிக்கைகள் எடுக்கப்பட்டு வருவதாக அமைச்சர் தெரிவித்துள்ளார். இதன் ஒரு பகுதியாக, சுமார் 3,000 இதர மருத்துவப் பணியாளர்களை விரைவில் புதிதாக நியமிக்கத் திட்டமிடப்பட்டுள்ளதாகவும் அவர் குறிப்பிட்டுள்ளார். இதுகுறித்து செய்தியாளர்களிடம் பேசிய அமைச்சர், புதிய பணியாளர் நியமனங்கள் மூலம் அரசு மருத்துவமனைகளின் செயல்பாடுகள் மேலும் வலுப்பெறும் என்ற நம்பிக்கையையும் தெரிவித்துள்ளார்.




கருத்துகள் (0)