தமிழகத்தில் குற்றங்கள் அதிகரிப்பு: தவெக அரசை விமர்சித்த மு.க.ஸ்டாலின்; அக்.31-ல் திமுக மகளிர் அணி போராட்டம்!

தமிழகத்தில் குற்றச்சம்பவங்கள் அதிகரித்து வருவதாகக் குற்றம்சாட்டியுள்ள திமுக தலைவர் மு.க.ஸ்டாலின், மாநிலத்தில் நிலவும் சட்டம்-ஒழுங்கு நிலை குறித்து தவெக அரசை கடுமையாக விமர்சித்துள்ளார்.

வீடியோ கேம்கள் மற்றும் திகில் திரைப்படங்களில் இடம்பெறும் சம்பவங்களையே மிஞ்சும் அளவுக்கு தமிழகத்தில் குற்றங்கள் அதிகரித்து வருவதாக அவர் சாடியுள்ளார். சேலத்தில் நடந்த கொலை, மதுரையில் சிறுவன் உயிரிழந்த சம்பவம், செஞ்சியில் சிறுமி மாயமான விவகாரம் உள்ளிட்டவற்றைச் சுட்டிக்காட்டிய அவர், தவெக ஆட்சியில் குற்றவாளிகள் அச்சமின்றி உலாவுவதாகக் குற்றம்சாட்டியுள்ளார்.

மேலும், தமிழகத்தில் சட்டம்-ஒழுங்கு சீர்கேடு நிலவுவதாகக் கூறி, அதைக் கண்டித்து வரும் அக்டோபர் 31-ம் தேதி சனிக்கிழமை மாநிலம் முழுவதும் திமுக மகளிர் அணி சார்பில் கண்டனப் போராட்டம் நடைபெறும் என்றும் அறிவித்துள்ளார்.