தீவிரப் புயலாக வலுப்பெற்ற அக்வான்.. தமிழகத்திற்கு பாதிப்பு இல்லை.. சில மாவட்டங்களில் மழைக்கு வாய்ப்பு!

தெற்கு மற்றும் மேற்கு மத்திய வங்கக்கடல் பகுதியில் நிலைகொண்டிருந்த அக்வான் புயல் தற்போது தீவிரப் புயலாக வலுப்பெற்றுள்ளதாக இந்திய வானிலை ஆய்வு மையம் தெரிவித்துள்ளது. புயலின் நகர்வு மற்றும் அதன் தீவிரம் தொடர்ந்து கண்காணிக்கப்பட்டு வரும் நிலையில், அது மிக மெதுவாக வடக்கு - வடமேற்கு திசையை நோக்கி நகர்ந்து வருகிறது.
தற்போது மணிக்கு சுமார் 3 கிலோமீட்டர் வேகத்தில் மட்டுமே புயல் நகர்ந்து வருவதாக வானிலை ஆய்வு மையம் கணித்துள்ளது. இதனால் புயலின் நகர்வு மிகவும் மெதுவாக இருப்பதாகத் தெரிவிக்கப்பட்டுள்ளது.
இந்தப் புயலால் தமிழகத்திற்கு நேரடியான பாதிப்பு இருக்காது எனக் கூறப்பட்டாலும், அதன் தாக்கம் காரணமாக சென்னை, திருவள்ளூர் உள்ளிட்ட சில மாவட்டங்களில் மிதமான மழை பெய்ய வாய்ப்புள்ளது. குறிப்பாக கடலோரப் பகுதிகளில் வானிலை மாற்றங்கள் ஏற்படக்கூடும் என்பதால் பொதுமக்கள் வானிலை ஆய்வு மையத்தின் அறிவிப்புகளைத் தொடர்ந்து கவனிக்க வேண்டும்.




கருத்துகள் (0)