இரண்டு பாஸ்போர்ட்களை வைத்திருந்ததாகப் புகார்: தூத்துக்குடி நபருக்கு அபராதம்!

தூத்துக்குடியைச் சேர்ந்த உசேன் (38), வெளிநாட்டில் பணிபுரிந்து வருகிறார். அவருடைய பழைய பாஸ்போர்ட் தொலைந்த நிலையில், பின்னர் அது மீண்டும் கிடைத்ததாகக் கூறப்படுகிறது. இதையடுத்து, புதிய பாஸ்போர்ட்டையும் பழைய பாஸ்போர்ட்டையும் அவர் வைத்திருந்ததாகத் தகவல் வெளியாகியுள்ளது.

இந்நிலையில், பாஸ்போர்ட்டைப் புதுப்பிக்க விண்ணப்பித்தபோது, பாஸ்போர்ட் சேவா கேந்திரா நடத்திய விசாரணையில் இந்த விவகாரம் தெரியவந்ததாகக் கூறப்படுகிறது. இதனால் அவருக்கு அபராதம் விதிக்கப்பட்டதுடன், இரண்டு பாஸ்போர்ட்களை வைத்திருந்த விவகாரம் தொடர்பாக அவர் மீது வழக்குப்பதிவு செய்யவும் பரிந்துரைக்கப்பட்டுள்ளதாகத் தகவல்கள் தெரிவிக்கின்றன.