பொங்கல் ரயில் டிக்கெட் முன்பதிவு நவம்பர் 14 முதல் தொடக்கம்!

2027ஆம் ஆண்டு பொங்கல் பண்டிகையை முன்னிட்டு சொந்த ஊர்களுக்குச் செல்லத் திட்டமிடும் பயணிகளுக்கான ரயில் டிக்கெட் முன்பதிவு வரும் நவம்பர் 14ஆம் தேதி முதல் தொடங்க உள்ளது. முன்கூட்டியே பயணத்தைத் திட்டமிடும் வகையில், பயணத் தேதிகளின் அடிப்படையில் முன்பதிவு செய்ய வேண்டிய நாட்கள் அறிவிக்கப்பட்டுள்ளன.

அதன்படி, 2027 ஜனவரி 13ஆம் தேதி ரயிலில் பயணம் செய்ய விரும்புபவர்கள் நவம்பர் 14ஆம் தேதியும், ஜனவரி 14ஆம் தேதி பயணம் மேற்கொள்ள விரும்புபவர்கள் நவம்பர் 15ஆம் தேதியும் டிக்கெட் முன்பதிவு செய்து கொள்ளலாம். அதேபோல், பொங்கல் பண்டிகை தினமான ஜனவரி 15ஆம் தேதி பயணம் செய்யத் திட்டமிடுபவர்கள் நவம்பர் 16ஆம் தேதி முதல் முன்பதிவு செய்யலாம் எனத் தெரிவிக்கப்பட்டுள்ளது.

பொங்கல் காலத்தில் ரயில்களில் பயணிகளின் கூட்டம் அதிகரிக்க வாய்ப்புள்ளதால், தேவைக்கு ஏற்ப கூடுதல் சிறப்பு ரயில்கள் இயக்க நடவடிக்கை எடுக்கப்படும் என்று ரயில்வே அதிகாரிகள் தெரிவித்துள்ளனர். எனவே, சொந்த ஊர்களுக்குச் செல்ல விரும்பும் பயணிகள் முன்பதிவு தொடங்கும் தேதியை கவனத்தில் கொண்டு முன்கூட்டியே டிக்கெட் பதிவு செய்வது பயனுள்ளதாக இருக்கும்.