'தமிழ்நாடா, கொலை நாடா?' – முதலமைச்சர் விஜய்க்கு தமிமுன் அன்சாரி சரமாரி கேள்வி!

தமிழகத்தில் சட்டம்-ஒழுங்கு நிலைமை மோசமடைந்து வருவதாகக் குற்றம்சாட்டியுள்ள மஜக தலைவர் தமிமுன் அன்சாரி எம்எல்ஏ, மாநில அரசுக்கு எதிராகப் பல்வேறு கேள்விகளை முன்வைத்துள்ளார். குறிப்பாக, மாநிலத்தில் தொடர்ந்து நடைபெறும் கொலைச் சம்பவங்கள் மற்றும் பல்வேறு தாக்குதல் நிகழ்வுகளைச் சுட்டிக்காட்டி, 'தமிழ்நாடா கொலை நாடா?' என்று அவர் கேள்வி எழுப்பியுள்ளார்.

தொகுதி மக்களில் ஒருவரைத் தாக்கியதாகக் கூறப்படும் துணை சபாநாயகர் விவகாரம், பெண் மாவட்ட ஆட்சியருக்கு ஆபாச குறுஞ்செய்தி அனுப்பியதாகக் கூறப்படும் தவெக எம்எல்ஏ தொடர்பான சர்ச்சை, காவல்துறையினர் மீதான தாக்குதல்கள் எனப் பல்வேறு சம்பவங்களை அவர் தனது விமர்சனத்தில் குறிப்பிட்டுள்ளார்.

மேலும், மாநிலத்தின் பல்வேறு பகுதிகளில் தொடர்ச்சியாக நடைபெறும் கொலைச் சம்பவங்களால் பொதுமக்கள் மத்தியில் பாதுகாப்பு குறித்த கேள்விகள் எழுந்துள்ளதாகவும் அவர் தெரிவித்துள்ளார். இத்தகைய சம்பவங்கள் குறித்து தமிழக அரசு என்ன நடவடிக்கை எடுக்கப் போகிறது என்றும் கேள்வி எழுப்பியுள்ளார்.

சட்டம்-ஒழுங்கு தொடர்பாக எழுந்துள்ள இந்தக் குற்றச்சாட்டுகளுக்கு முதலமைச்சர் விஜய் என்ன பதில் அளிக்கப் போகிறார் என்பதே தமிமுன் அன்சாரி எழுப்பியுள்ள முக்கியக் கேள்வியாக உள்ளது.