அதிகமாக வியர்த்தால் உடல் கொழுப்பு குறைகிறதா? மருத்துவர்கள் கூறும் உண்மை இதுதான்!

உடற்பயிற்சி செய்யும்போது அதிகமாக வியர்வை வெளியேறினால் உடலில் கொழுப்பு அதிகம் கரைகிறது என்ற கருத்து தவறானது என மருத்துவர்கள் தெரிவிக்கின்றனர். வியர்வை என்பது உடலின் வெப்பநிலையைக் கட்டுப்படுத்தி, அதிகப்படியான சூட்டை வெளியேற்றுவதற்காக இயற்கையாக நடைபெறும் செயல்முறையாகும். இதற்கும் உடலில் உள்ள கொழுப்பு குறைவதற்கும் நேரடியான தொடர்பு இல்லை.

உடற்பயிற்சிக்குப் பிறகு உடல் எடை தற்காலிகமாகக் குறைவது பெரும்பாலும் வியர்வை மூலம் உடலில் உள்ள நீர்ச்சத்து வெளியேறுவதால்தான் ஏற்படுகிறது. எனவே, எவ்வளவு வியர்க்கிறது என்பதை வைத்து உடற்பயிற்சியின் பலனை மதிப்பிடக் கூடாது. போதுமான தண்ணீர் குடித்து, சீரான உணவுப் பழக்கத்துடன் தொடர்ந்து உடற்பயிற்சி செய்வதே ஆரோக்கியமான உடல் எடையைப் பராமரிக்க உதவும்.