கடலூரில் ஒரே நாளில் 7 பேர் மாயம் – 5 வயது குழந்தையும் காணவில்லை!

கடலூர் மாவட்டத்தில் 5 வயது குழந்தை உட்பட மொத்தம் 7 பேர் ஒரே நாளில் காணாமல் போன சம்பவம் அப்பகுதியில் பரபரப்பை ஏற்படுத்தியுள்ளது. மாயமானவர்களில் கல்லூரி மாணவிகள், பள்ளி மாணவி மற்றும் திருமணமான பெண் ஆகியோரும் இடம்பெற்றுள்ளனர். இவர்களைக் காணவில்லை என அவர்களது குடும்பத்தினர் சம்பந்தப்பட்ட காவல் நிலையங்களில் தனித்தனியாக புகார் அளித்துள்ளனர்.

குடும்பத்தினரிடமிருந்து புகார்களைப் பெற்ற போலீசார், அவற்றின் அடிப்படையில் வழக்குப்பதிவு செய்து விசாரணையைத் தொடங்கியுள்ளனர். ஒரே நாளில் வெவ்வேறு பகுதிகளைச் சேர்ந்த 7 பேர் மாயமான நிலையில், அவர்களின் இருப்பிடத்தைக் கண்டறிந்து மீட்கும் முயற்சியில் போலீசார் தீவிரமாக ஈடுபட்டு வருகின்றனர்.