கோபி அருகே 100 நாள் வேலைத் திட்டப் பணியாளர்கள் மீது கார் மோதி விபத்து.. 17 பேர் காயம்!

ஈரோடு மாவட்டம் கோபி அருகே சாலையோரத்தில் நின்றுகொண்டிருந்த 100 நாள் வேலைத் திட்டப் பணியாளர்கள் மீது கட்டுப்பாட்டை இழந்த கார் மோதியதில் 17 பேர் காயமடைந்தனர். எதிரே இருசக்கர வாகனம் ஒன்று வந்துகொண்டிருந்த நிலையில், அதற்கு வழிவிடுவதற்காக கார் ஓட்டுநர் வாகனத்தைத் திருப்பியுள்ளார். அப்போது எதிர்பாராத விதமாக காரின் கட்டுப்பாட்டை இழந்ததால், சாலையோரம் நின்றிருந்த வேலைத் திட்டப் பணியாளர்கள் மீது கார் மோதியதாக முதற்கட்ட தகவல்கள் தெரிவிக்கின்றன.

இந்த விபத்தில் காயமடைந்த 17 பேரையும் அப்பகுதியில் இருந்தவர்கள் மீட்டு, சிகிச்சைக்காக கோபி அரசு மருத்துவமனைக்கு அனுப்பி வைத்தனர். அங்கு அவர்களுக்கு மருத்துவ சிகிச்சை அளிக்கப்பட்டு வருகிறது. மக்கள் நடமாட்டம் உள்ள பகுதியில் நிகழ்ந்த இந்த விபத்து குறித்து தகவல் அறிந்த அதிகாரிகள் விசாரணை மேற்கொண்டு வருகின்றனர். கார் கட்டுப்பாட்டை இழந்ததற்கான முழுமையான காரணம் குறித்து தொடர்ந்து விசாரணை நடைபெற்று வருகிறது.