“அமைச்சரவை மாற்றம் குறித்து முதல்வர் விஜய்தான் முடிவெடுப்பார்” – அமைச்சர் நிர்மல்குமார்!

இடைத்தேர்தலில் தமிழக வெற்றிக் கழகம் வெற்றி பெற்றுள்ள நிலையில், தமிழக அமைச்சரவையில் மாற்றம் செய்யப்படுமா என்ற கேள்விக்கு சட்டத்துறை அமைச்சர் நிர்மல்குமார் பதிலளித்துள்ளார்.

சென்னை தலைமைச் செயலகத்தில் செய்தியாளர்களிடம் பேசிய அவர், இடைத்தேர்தலில் பல நூறு கோடி ரூபாய் செலவிடப்பட்டதாகக் குறிப்பிட்டார். ஆனால், தவெக சார்பில் மக்களுக்கு ஒரு ரூபாய்கூட வழங்காமல் தேர்தலில் வெற்றி பெற்றுள்ளதாக அவர் தெரிவித்தார்.

மேலும், அமைச்சரவையில் மாற்றம் செய்வது தொடர்பாக முதலமைச்சர் விஜய்தான் இறுதி முடிவெடுப்பார் என்று கூறிய நிர்மல்குமார், தேர்தல் எப்போது நடைபெற்றாலும் மக்கள் தவெக தலைவர் விஜய்க்கே வாக்களிப்பார்கள் என்றும் நம்பிக்கை தெரிவித்தார். அமைச்சரவை மாற்றம் குறித்த அவரது கருத்து தற்போது அரசியல் வட்டாரத்தில் கவனம் பெற்றுள்ளது.