சன் யாட்-சென்னின் 160-வது பிறந்தநாள் விழா: தைவான் இணைப்பு குறித்து ஜி ஜின்பிங் திட்டவட்டம்!

நவீன சீனாவின் அடித்தளத்தை உருவாக்கியவராகப் போற்றப்படும் சன் யாட்-சென்னின் 160-வது பிறந்தநாள் விழா, சீன தலைநகர் பீஜிங்கில் உள்ள மக்கள் மாளிகையில் நேற்று சிறப்பாகக் கொண்டாடப்பட்டது. இந்த விழாவில் சீன அதிபர் ஜி ஜின்பிங் பங்கேற்று உரையாற்றினார்.

அப்போது பேசிய அவர், வரலாற்றின் முன்னேற்றப் பாதையை யாராலும் தடுத்து நிறுத்த முடியாது என்று குறிப்பிட்டார். மேலும், சீனாவின் தாய்நாட்டுடன் தைவான் மீண்டும் முழுமையாக இணைவது உறுதியாக நடைபெறும் என்றும் தனது நிலைப்பாட்டைத் திட்டவட்டமாக வெளிப்படுத்தினார். தைவான் விவகாரத்தில் சீனாவின் நீண்டகால நிலைப்பாட்டை மீண்டும் வலியுறுத்தும் வகையில் அவரது பேச்சு அமைந்தது.