சென்னையில் வரைவு வாக்காளர் பட்டியல் வெளியீடு! 21,403 வாக்காளர்கள் அதிகரிப்பு!

2027-ம் ஆண்டுக்கான சிறப்பு சுருக்கத் திருத்தத்தின் வரைவு வாக்காளர் பட்டியலை சென்னை மாவட்ட தேர்தல் அலுவலரும், மாநகராட்சி ஆணையருமான சமீரன் இன்று வெளியிட்டுள்ளார். இந்தப் புதிய பட்டியலின்படி சென்னையில் வாக்காளர்களின் எண்ணிக்கை ஒட்டுமொத்தமாக 21,403 அதிகரித்துள்ளது.

வெளியிடப்பட்டுள்ள வரைவு வாக்காளர் பட்டியலில், முதலமைச்சர் விஜய் போட்டியிட்ட பெரம்பூர் சட்டமன்றத் தொகுதியில் அதிகபட்சமாக 2.28 லட்சம் வாக்காளர்கள் இடம்பெற்றுள்ளனர். அதேபோல், சென்னை துறைமுகம் தொகுதியில் குறைந்தபட்சமாக 1.20 லட்சம் வாக்காளர்கள் உள்ளதாக தெரிவிக்கப்பட்டுள்ளது.

சென்னையில் தொகுதி வாரியாக வாக்காளர்களின் எண்ணிக்கையில் ஏற்பட்டுள்ள மாற்றங்களை இந்த வரைவு பட்டியல் வெளிப்படுத்தியுள்ளது. வாக்காளர் பட்டியலில் தங்களது பெயர் மற்றும் விவரங்கள் சரியாக இடம்பெற்றுள்ளதா என்பதை பொதுமக்கள் சரிபார்த்துக் கொள்வது அவசியமாகும்.